Innlent

Gæti gránað í fjöll

Sunna Kristín Hilmarsdóttir skrifar
Veður fer kólnandi á norðanverðu landinu í vikunni og gæti gránað í fjöll.
Veður fer kólnandi á norðanverðu landinu í vikunni og gæti gránað í fjöll. Vísir/Vilhelm

Í dag hreyfist dálítil lægð þvert norðaustur yfir landið og verður vindur suðvestlægur með skúrum á víð og dreif. Vindur verður þó hvergi hvass, að því er segir í hugleiðingum veðurfræðings á vef Veðurstofu Íslands.

Það verður áfram hlýtt í veðri miðað við árstíma, einkum á Norðausturlandi, en á morgun kemur næsta lægð upp að suðausturströndinni og er öllu dýpri. Henni fylgir norðaustan strekkingur með rigningu og mun hiti falla talsvert á norðanverðu landinu.

Sama er uppi á teningnum fram að helgi; ákveðin norðanátt með rigningu, einkum norðan og austan til og frekar kólnandi veðri. Það gæti jafnvel gránað í fjöll nyrðra.

Veðurhorfur á landinu:

Suðvestan 3-10 m/s og skúrir, einkum S- og V-lands. Snýst í norðaustan 8-13 á Vestfjörðum undir kvöld, en lægir heldur í öðrum landshlutum. Hiti 10 til 18 stig, hlýjast NA til. Gengur í norðaustan 8-15 með rigningu á morgun, en úrkomuminna NV til. Kólnar heldur fyrir norðan.

Á miðvikudag:

Gengur í norðaustan 8-15 m/s, hvassast á Vestfjörðum og með A-ströndinni. Rigning á A-verðu landinu og á Ströndum, en annars úrkomuminna. Hiti 6 til 14 stig, hlýjast sunnan heiða.

Á fimmtudag:

Útlit fyrir hvassa norðanátt með rigningu, en úrkomulítið S-lands. Hiti 5 til 12 stig, hlýjast syðst.

Á föstudag:

Hvöss norðvestanátt með rigningu N- og A-lands og slyddu til fjalla, en annars þurrt að kalla. Dregur úr vindi og léttir til seinni partinn, fyrst V-lands. Kólnandi veður í bili.

Á laugardag:

Hæg vestlæg eða breytileg átt og bjartviðri, en lítilsháttar væta við NA-lands og hlýnar heldur í veðri.

Á sunnudag:

Sunnan strekkingur með rigningu og fremur hlýtt veður.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×