Formúla 1

Nýr samningur mun brúa bilið milli liða í Formúlu 1

Runólfur Trausti Þórhallsson skrifar
Nýr samningur Formúlu 1 á að sjá til þess að Lewis Hamilton og Max Verstappen hafi ekki jafn mikið forskot á keppinauta sína og raun ber vitni.
Nýr samningur Formúlu 1 á að sjá til þess að Lewis Hamilton og Max Verstappen hafi ekki jafn mikið forskot á keppinauta sína og raun ber vitni. Albert Gea/Getty Images

Öll tíu liðin sem keppa í Formúlu 1 kappakstrinum hafa skrifað undir áttunda Concorde-samninginn. Snýr sá samningur að því hvernig tekjum sem koma inn er skipt niður á liðin sem keppa í Formúlu 1.

Samningurinn er kenndur við Concorde-torgið í París þar sem FIA, Alþjóðaaksturs-íþróttasambandið, er staðsett. Var fyrsti samningurinn undirritaður árið 1981 og verið uppfærður reglulega síðan. Sá sem er í gildi nú hefur verið frá árinu 2013 og því kominn tími á breytingar.

Bernie Ecclestone, sem átti sýningarréttinn á Formúlunni þangað til 2017, var talinn gefa Mercedes, Ferrari og Red Bull full mikið af því sem kom inn í kassann. Nú mun fjármagnið dreifast betur á liðin tíu.

Það tók sinn tíma fyrir áðurnefnd þrjú lið að samþykkja samninginn en talið er að hann komi verst niður á Mercedes sem hefur verið í sérflokki undanfarin ár. Lewis Hamilton, ökurmaður Mercedes, hefur einnig verið í sérflokki en hann stefnir hraðbyr á að vera sigursælasti ökumaður Formúlu 1 frá upphafi.

Chase Carey - framkvæmdastjóriu Formúlu 1 samsteypunnar segir samkvæmt frétt Financial Times að nýi samningurinn muni skapa sanngjarnara umhverfi sem og brúa bilið sem er á milli liðanna tíu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.