Valdís Þóra endaði í 21. sæti í Ástralíu
Kylfingurinn Valdís Þóra Jónsdóttir endaði í 21. sæti á NSW mótinu sem fram fór í Ástralíu en mótið er hluti af Evrópumótaröðinni. Lék hún lokahring mótsins á pari vallarins.
Valdís Þóra lék alls þrjá af fjórum hringjum sínum á mótinu á pari vallarins en á öðrum degi fór hún hringinn á tveimur höggum yfir pari. Fyrir vikið fékk hún 2800 evrur í sinn vasa sem og mikilvæg stig á stigalista Evrópumótaraðarinnar.
Guðrún Brá Björgvinsdóttir var einnig á mótinu en hún náði sér aldrei strik. Þó hún hafi komist í gegnum niðurskurð mótsins þá dugði það skammt en hún lék sína fjóra hringi á alls 22 höggum yfir pari.
Tengdar fréttir
Valdís Þóra á pari í nótt
Valdís Þóra lék á pari á þriðja hring NSW Open golfmótsins í nótt. Guðrún Brá lék á 9 höggum yfir pari.
Valdís Þóra í góðum málum í Ástralíu | Guðrún Brá átti erfitt uppdráttar
Kylfingarnir Valdís Þóra Jónsdóttir og Guðrún Brá Björgvinsdóttir hófu leik á Women´s NSW Open mótinu í nótt en mótið fer fram á Dubbo golfvellinum í Ástralíu. Þó leikið sé í Ástralíu er mótið hluti af Evrópumótaröð kvenna.
