Innlent

Gæsluþyrla kölluð út vegna manns í sjálfheldu

Vésteinn Örn Pétursson skrifar
Óskað hefur verið eftir því að þyrlu Landhelgisgæslunnar verði flogið á vettvang.
Óskað hefur verið eftir því að þyrlu Landhelgisgæslunnar verði flogið á vettvang. Vísir/Vilhelm

Allar björgunarsveitir á Austfjörðum voru kallaðar út um klukkan fimm síðdegis vegna göngumanns sem er í sjálfheldu við fjallið Hólmatind í Eskifirði. Þetta kemur fram í tilkynningu frá Landsbjörg.

Þá hefur verið óskað eftir því að þyrlu Landhelgisgæslunnar verði flogið á vettvang. Þetta staðfestir Ásgeir Erlendsson, upplýsingafulltrúi Landhelgisgæslunnar, í samtali við Vísi og segir að undanfarar frá Landsbjörg fari með þyrlunni austur.

Búið er að finna manninn en erfitt er að komast að honum þar sem hann er staddur. Yfir 30 manns taka þátt í björgunaraðgerðunum, samkvæmt tilkynningu frá Landsbjörg.

Björgunarsveitir Landhelgisgæslan Fjarðabyggð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið