Enski boltinn

„Öllum hjá fé­laginu og okkar al­vöru stuðnings­mönnum finnst það ó­geðs­legt sem gerðist“

Anton Ingi Leifsson skrifar
Solskjær fyrir leikinn í gær.
Solskjær fyrir leikinn í gær. vísir/getty

Ole Gunnar Solskjær, stjóri Manchester United, var ekki hrifinn af uppátæki nokkurra stuðningsmanna Manchester United í fyrrakvöld.

Þá ákváðu þeir að ráðast að húsi Ed Woodward, stjórnarformanni félagsins. Þeir skutu flugeldum í átt að húsi hans og hótuðu honum lífláti.

Norðmaðurinn var spurður út í atvikið fyrir deildarbikar leikinn gegn Manchester City í gærkvöldi.

„Öllum hjá félaginu og okkar alvöru stuðningsmenn finnst það ógeðslegt sem gerðist,“ sagði Norðmaðurinn.

„Okkar stuðningsmenn eru ástríðufullir og maður getur látið skoðun sína í ljós á margan hátt en við verðum að standa saman.“

„Við erum Manchester United og ég er viss um að þeir muni styðja okkur í kvöld.“



Í byrjun viðtalsins talaði Solskjær einnig um komu Bruno Fernandes. United og Sporting hafa náð samkomulagi en Portúgalinn gengst undir læknisskoðun í dag.

United mætir Wolves á heimavelli á laugardaginn klukkan 17.30.

Enski boltinn

Tengdar fréttir

Réðust á hús Ed Woodward

Ed Woodward, framkvæmastjóri Manchester United, er afar óvinsæll maður hjá stuðningsmönnum Manchester United en nú staðan orðin mun alvarlegri, eftir skemmdarverk í gærkvöldi.

Mest lesið


Fleiri fréttir

Sjá meira


×

Mest lesið