Fótbolti

Real Madrid unnið alla úrslitaleikina undir stjórn Zidane

Ingvi Þór Sæmundsson skrifar
Mikil harka var í leik Madrídar-liðanna.
Mikil harka var í leik Madrídar-liðanna. vísir/getty

Real Madrid vann Atlético Madrid í úrslitaleik spænska ofurbikarsins í Jeddah í Sádí-Arabíu í kvöld.

Staðan eftir venjulegan leiktíma og framlengingu var markalaus og því réðustu úrslitin í vítaspyrnukeppni.

Real Madrid vann hana, 4-1. Dani Carvajal, Rodrygo, Luka Modric og Sergio Ramos skoruðu úr sínum spyrnum fyrir Real Madrid.

Kieran Trippier var eini leikmaður Atlético sem skoraði úr sinni spyrnu. Thibaut Courtois varði frá Thomas Partey og Saúl Níguez skaut í stöng.

Real Madrid hefur unnið alla níu úrslitaleikina sem það hefur komist í undir stjórn Zinedines Zidane.


Real Madrid hefur ellefu sinnum unnið spænska ofurbikarinn og alls tíu titla undir stjórn Zidanes.

Spænski boltinn
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Mest lesið


Fleiri fréttir

Sjá meira


Mest lesið


Velkomin á Vísi. Þessi vefur notar vafrakökur. Sjá nánar.