Ómar Ingi kominn aftur á völlinn eftir átta mánaða fjarveru
Ómar Ingi Magnússon lék með Aalborg í æfingaleik í kvöld. Hann hefur verið frá keppni í átta mánuði vegna höfuðhöggs sem hann fékk í leik í úrslitakeppni dönsku úrvalsdeildarinnar síðasta vor.
Ómar er nú kominn aftur á kreik og lék með Aalborg í kvöld.
Amazing news! The Icelandic right back of Aalborg Håndbold (SC Magdeburg after this season), Omar Ingi Magnusson, has made his comeback in a training match tonight - 8 months after he suffered a severe concussion. #handball pic.twitter.com/DtJvIddTGj
— Rasmus Boysen (@RasmusBoysen92) January 14, 2020
Meiðslin komu í veg fyrir að Ómar færi með íslenska landsliðinu á EM 2020. Hann hefur verið fastamaður í landsliðinu undanfarin ár og farið með því á þrjú stórmót.
Ómar, sem er 22 ára, gengur í raðir Magdeburg í Þýskalandi eftir tímabilið.
Ómar var valinn lið ársins í dönsku úrvalsdeildinni í fyrra auk þess sem hann var stoðsendingahæsti leikmaður hennar.
