Handbolti

Þjóðverjar köstuðu frá sér sigrinum

Ingvi Þór Sæmundsson skrifar
Christian Prokop, þjálfari Þjóðverja, trúði ekki sínum eigin augum í leikslok.
Christian Prokop, þjálfari Þjóðverja, trúði ekki sínum eigin augum í leikslok. vísir/epa

Króatía vann afar dramatískan sigur á Þýskalandi, 25-24, í síðasta leik dagsins í milliriðli I á EM 2020 í handbolta. Með sigrinum tryggði króatíska liðið sér sæti í undanúrslitum mótsins.

Þjóðverjar voru lengst af með undirtökin en Króatar voru sterkari þegar á reyndi.

Síðustu 13 og hálfu mínútu leiksins skoraði Þýskaland aðeins tvö mörk, bæði úr vítaköstum.

Igor Karacic skoraði sigurmark króatíska liðsins þegar ein og hálf mínúta var eftir. Hann skoraði alls sjö mörk og var markahæstur Króata. Domagoj Duvnjak skoraði fimm mörk og Luka Stepancic fjögur.

Philipp Weber, Timo Kastening, Tobias Reichmann og Uwe Gensheimer skoruðu fjögur mörk hver fyrir Þýskaland sem er í 3. sæti milliriðils I með tvö stig.

Króatía er með sex stig líkt og Spánn. Bæði lið eru komin í undanúrslit.


EM 2020 í handbolta
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Mest lesið


Fleiri fréttir

Sjá meira


Mest lesið


Velkomin á Vísi. Þessi vefur notar vafrakökur. Sjá nánar.