Brown vill boxa við Logan Paul

Fyrrum NFL-stjörnunni Antonio Brown virðist leiðast þessa dagana og hann reynir sífellt að finna upp á einhverju nýju að gera.

Hann er nýbúinn að gefa út sitt fyrsta lag og tónlistarmyndband sem hefur fengið misgóðar viðtökur.

Í gærkvöldi stakk Brown síðan upp á því á Twitter að berjast í hnefaleikum gegn Youtube-stjörnunni Logan Paul.

Paul hefur verið að berjast við aðra Youtube-stjörnu, KSI, og hafa bardagar þeirra fengið mikið áhorf.

Paul tók alls ekkert illa í hugmyndina og sagðist ætla að vera fljótur að rota Brown.

Nú er bara spurning hvort einhver hafi áhuga á því að setja slíkan bardaga á dagskrá.