Innlent

Fordæmir vinnubrögð Samherja

Berghildur Erla Bernharðsdóttir skrifar

Fréttastjóri RÚV fordæmir ásakanir Samherja um að fréttamaður stofnunarinnar hafi falsað gögn í umfjöllun um fyrirtækið. Sjaldan eða aldrei hafi verið seilst svo langt í að skjóta sendiboðann.

Samherji birti í morgun myndband á Youtube þar sem Helgi Seljan fréttamaður og RÚV eru sökuð um að hafa falsað gögn við gerð Kastljóssþáttar mars 2012 þar sem fyrirtækið var sakað um selja dótturfélagi sínu í Þýskalandi karfa á undirvirði og þannig brotið gjaldeyrislög. Seðlabankinn gerði húsleit hjá Samherja sama dag og Kastjósþátturinn fór í loftið og fór í kjölfarið í mál við fyrirækið en Samherji var á endanum sýknaður í Hæstarétti.

 Í Kastljóssþættinum vísar Helgi Seljan til skýrslu frá Verðlagsstofu skiptaverðs þessu til sönnunar. Í myndbandinu er viðtal við Jón Óttar Ólafsson afbrotafræðing og fyrrverandi rannsóknarlögreglumaður    sem Samherji réð til að rannsaka málið. Hann hitti Helga á sínum tíma.

„Ég kom því til leiðar að ég og Helgi hittumst á fundi á lögmannsstofu hér í bænum. Án þess að hann vissi þá hafði ég annan tilgang með þessum fundi og tók þennan fund upp,“ segir Jón Óttar í myndbandinu.

Í myndbandinu er spilaður bútur úr þessari leynilegu upptöku þar sem Helgi segist hafa átt við skýrsluna. Helgi Seljan segir gögnin áreiðanleg en það þurfi virða trúnað við heimildarmenn.

„Áður en slík gögn eru birt þarf að taka af þeim persónulega greinarleg gögn og það var það eina sem átt var við gögnin eftir að við vorum búin að fullvissa okkur um að hvaðan þau voru og hvað fælist í þeim. Það liggur fyrir að það var verið að rannsaka þessa verðlagninu á karfa á þessum tíma það fengum við rækilega staðfest og gögn um það hvernig farið var með verðlagninu Samherja á þessum tíma.  Við fengum þetta allt staðfest,“ segir Helgi. 

Helgi Seljan fjölmiðlamaðurVísir

Í þættinum og tölvupósti sem fréttastofa hefur undir höndum segir Ingveldur Jóhannesdóttir deildarstjóri Verðlagsstofu skiptaverðs að engin skýrsla hafi verið unnið í málinu en hins vegar var karfarannsókn gerð á sínum tíma. Þá kom fram í svari þaðan í dag að þó að rannsókn færi fram væri ekki alltaf gerð skýrsla. Niðurstöður rannsókna fari til úrskurðarnefndar.

Í yfirlýsingu frá RÚV í dag er því hafnað með öllu að skýrsla sé ekki til.

„Þessi gögn eru til og umfjöllunin stendur og við getum staðfest það. Þarna er Samherji að ganga lengra en menn hafa gert nokkru sinni í að reyna að skjóta sendiboðann og afvegaleiða umræðuna og koma í veg fyrir gagnrýna umfjöllun. Þessar ásakanir eru mjög alvarlegar og við höfum fordæmt þessi vinnubrögð og vonum að þetta sé ekki það sem koma skal í íslensku samfélagi“ segir Rakel Þorbergsdóttir fréttastjóri RÚV.

Guðrún Arndís Jónsdóttir var forstöðumaður Verðlagsstofu skiptaverðs á árunum 2008-2010 eða á þeim tíma sem umtöluð gögn Kastljóss vísa m.a. til. Hún sagði í samtali við fréttastofu í dag  að hún muni ekki hvort skýrsla hafi verið gerð í þessu máli.  Hún segist reikna með að stjórn stofnunarinnar nú sé að greina satt og rétt frá. Hún rengi ekki svör þeirra.

Í viðtali við Stundina nú síðdegis staðfestir fyrr­ver­andi formað­ur Fé­lags vél­stjóra og málm­tækni­manna að skjalið, sem Samherji segir að Helgi hafi falsað, hafi verið til og að hann hafi haft það. Guðmundur Ragnarsson segir að skjalið hafi komið frá Verðlagsstofu skiptaverðs.


Tengdar fréttir

Segist hafa fengið sömu gögn og Helgi Seljan

Guðmundur Ragnarsson, fyrrverandi formaður Félags vélstjóra og málmtæknimanna, segist hafa fengið í hendurnar sömu gögn og fréttamaðurinn Helgi Seljan

Hvers vegna hljóð­ritaði ég Helga Seljan með leynd?

Í dag birti Samherji heimildarþátt sem fjallar um aðdraganda og eftirmál svokallaðs Seðlabankamáls. Í þættinum er meðal annars spiluð leynileg upptaka af Helga Seljan þar sem hann viðurkennir að hafa sagt áhorfendum Ríkissjónvarpsins ósatt í þætti Kastljóss 27. mars 2012.

Fimm staðreyndir

Staðreynd 1: Samherji hefur grætt milljarða á því að nýta auðlindir Íslands, sem eru þó samkvæmt lögum eign íslensku þjóðarinnar.

Samherjaþátturinn birtur

Helgi Seljan fréttamaður er borinn þungur sökum í fyrsta vefþætti Samherja.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.