Opna kvenna­at­hvarf á Akur­eyri síðar í mánuðinum

Athvarf fyrir konur og börn þeirra sem ekki geta búið heima hjá sér vegna ofbeldis og mun opna á Akureyri síðar í mánuðinum.

Það eru Samtök um kvennaathvarf og Bjarmahlíð sem standa að athvarfinu sem mun opna þann 28. ágúst næstkomandi.

Í tilkynningu segir að þjónusta athvarfsins verði viðbót við starfsemi Bjarmahlíðar sem sinnt hafi þjónustu við þolendur ofbeldis á Norðurlandi undanfarin misseri.

„Jafnframt verður það viðbót við þjónustu Kvennaathvarfsins en það hefur lengi staðið til að færa þjónustuna út fyrir höfuðborgarsvæðið.

Athvarfið verður opnað í góðu samstarfi við sveitarfélög á Norðurlandi eystra, Aflið og ráðherra félagsmála og dómsmála. Um er að ræða tilraunaverkefni til vors en það er trú okkar að á tilraunatímabilinu komi í ljós að allar forsendur séu fyrir rekstri athvarfs af þessu tagi og gerum því ráð fyrir að Kvennaathvarfið á Norðurlandi sé komið til að vera.

Signý Valdimarsdóttir félagsráðgjafi hefur hafið störf sem verkefnisstýra nýja athvarfsins og vinnur nú hörðum höndum að undirbúningi opnunar þess,“ segir í tilkynningunni.