Hvetur konur til að vera duglegri að bóka Valaskjálf Kristín Ólafsdóttir skrifar 22. júlí 2020 14:59 Veggspjaldið umrædda, þar sem tónlistarkarlarnir sjást allir samankomnir. Valaskjálf Eigandi hótelsins Valaskjálfar á Egilsstöðum, þar sem til stendur að halda ferna tónleika um verslunarmannahelgina, kveðst harma það að engar konur komi fram á hótelinu þá helgi. Hann bendir þó á að ekki sé um tónlistarhátíð að ræða heldur ferna tónleika, sem tónlistarmennirnir sjálfir hafi haft frumkvæði að því að bóka. Eigandinn hvetur tónlistarkonur eindregið til að bóka sig á tónleika á Valaskjálf. Umræddir tónleikar eru á dagskrá frá fimmtudags- til sunnudagskvölds á hótel Valaskjálf. Á tónleikunum munu Dúndurfréttir, Emmsé Gauti, Ljótu hálfvitarnir og tvíeykið Óskar Pétursson og Eyþór Ingi Jónsson stíga á stokk. Semsagt, fjölmennt lið karlmanna en engin kona. Auglýsing fyrir tónleikaröðina, þar sem sjá má alla listamennina samankomna, vakti nokkra athygli – og gagnrýni – á samfélagsmiðlum eftir að hún komst í dreifingu í gær, líkt og sjá má hér fyrir neðan. flottir strákarnirnei samt hvernig gerist þetta bara aftur og aftur og aftur? pic.twitter.com/Ei92dKmqbB— bebbi 💅🏻 (@Bergrun) July 21, 2020 Lélegt „PR“ Þá sendir Þuríður Blær Jóhannsdóttir, leikkona og meðlimur rappsveitarinnar Reykjavíkurdætra, aðstandendum tónleikanna pillu á Facebook í gær. „Æi ég hefði verið svo til í að fara austur um Verslunarmannahelgina, en ég er með píku! Oh well...“ skrifar hún. Þá áréttar hún í athugasemdum við færslu sína að hún sé ekki að tjá sig hér sem tónlistarkona heldur tónleikagestur. „Mér finnst persónulega hundleiðinlegt á tónlistarviðburðum þar sem listamennirnir eru allir hvítir karlmenn á sama aldri. Þegar það er fjölskylduskemmtun, verð ég bara smá sorgmædd í þokkabót. Finnst þetta líka bara lélegt PR. Það er 2020, finnst alveg að það megi drulla yfir tónleikahaldara sem drulla upp á bak,“ skrifar Þuríður Blær. Harmar að engin kona hafi bókað sig Þráinn Lárusson eigandi Valaskjálfar segir í samtali við Vísi að ekki sé um tónlistarhátíð að ræða heldur röð tónleika, sem tónlistarmennirnir sjálfir hafi bókað. „Þetta er ekki tónlistarhátíð. Valaskjálf er staður eins og Græni hatturinn [tónleikastaður á Akureyri] og fólk bókar tónleika hjá okkur. Þarna bóka þessir aðilar tónleika hjá okkur, sem þeir halda sjálfir og selja sjálfir inn á. Við erum ekki söluaðilar inn á tónleikana einu sinni. Ég segi ekkert nei við neinn sem vill spila. Valaskjálf er opin öllum tónlistarmönnum sem vilja koma að spila, hvort sem það eru karlar eða konur. Þessir aðilar óskuðu eftir að fá að spila á þessum dögum,“ segir Þráinn. „Ég á sjálfsagt skömmina að láta grafíker búa til þetta plakat. Við erum þrjú sem sitjum í stjórn sem samþykkjum svona hluti, þar af eru tvær konur. Og ekkert okkar var að spá í þetta sérstaklega.“ Þá segir Þráinn að hann vilji ekki gera lítið úr þeirri staðreynd að engar konur spili á Valaskjálf um verslunarmannahelgina. „Ég harma það. Og ég hefði svo gjarnan viljað að einhver kona hefði bókað sig inn á þessa helgi líka. En það varð ekki. En það eru til dæmis allar helgar lausar í ágúst nema ein. Ef kvenfólk vill koma að halda tónleika þá eru nær allar helgarnar í ágúst lausar og fólki er guðvelkomið að hafa samband.“ Þannig að konur þurfa að vera duglegri að bóka tónleika á Valaskjálf? „Já, ég bara hvet konur til að vera duglegri. […] Ég hvet konur eindregið til að óska eftir að halda tónleika,“ segir Þráinn. Ójöfn kynjahlutföll á tónlistarviðburðum ýmiss konar hafa ítrekað verið til umræðu síðustu ár. Þannig hafa skipuleggjendur Þjóðhátíðar í Vestmannaeyjum til að mynda nokkrum sinnum þurft að svara fyrir hátt hlutfall karlflytjenda á hátíðinni í gegnum tíðina. Tónlistarviðburðir um verslunarmannahelgina eru af öllu skornari skammti en venjulega vegna faraldurs kórónuveiru. Þegar litið er yfir sviðið má þó sjá að engar konur eru heldur bókaðar á Græna hattinum á Akureyri yfir verslunarmannahelgina en þar munu hljómsveitirnar Dúndurfréttir, Sóldögg og Ljótu hálfvitarnir stíga stokk. Á Innipúkanum, tónlistarhátíð í miðbæ Reykjavíkur, eiga konur hlut í sex af tólf staðfestum atriðum. Fljótsdalshérað Tónlist Mest lesið Bandaríkin beittu neitunarvaldinu gegn kröfu um vopnahlé Erlent Banna kennslubækur eftir konur í háskólum landsins Erlent „Það er erfitt að berjast fyrir eigin réttindum þegar maður er veikur“ Innlent Um tvö hundruð á ári á gjörgæslu vegna lífshættulegrar sýkingar Innlent Raunvirði íbúða lækkar á ný Innlent Mótmælir breyttu fyrirkomulagi í nemendaráðskosningum Innlent „Hver ætlar að fylgjast með því að hann komi ekki til baka?“ Innlent Lofuðu Trump í Norður-Kóreustíl Erlent Grunaður um að fara inn á heimili fjölskyldu og brjóta þar á barni Innlent Hundruð milljóna vanti: „Þetta er hreint misrétti“ Innlent Fleiri fréttir Á annað hundrað báta óhaffærir vegna ófullnægjandi skoðunar Kourani sótti um náðun af heilbrigðisástæðum Efnisneysla á Íslandi dregst saman en nemur yfir sextán tonnum á mann Um tvö hundruð á ári á gjörgæslu vegna lífshættulegrar sýkingar „Það er erfitt að berjast fyrir eigin réttindum þegar maður er veikur“ Fór inn á heimili, klæddi sig úr fötunum og sofnaði í stól 3,9 stiga skjálfti í Bárðarbungu Raunvirði íbúða lækkar á ný Mótmælir breyttu fyrirkomulagi í nemendaráðskosningum Grunaður um að fara inn á heimili fjölskyldu og brjóta þar á barni Ók á vegavinnumann og flúði vettvang Biðla til fólks að taka vel á móti sölumönnum þó svikahrappar séu á ferð Kimmel tekinn af dagskrá: Donald Trump grafi undan lýðræðinu Bókun 35 fór hnökralaust í gegnum fyrstu umræðu en gæti reynt á í næstu Hundruð milljóna vanti: „Þetta er hreint misrétti“ „Hver ætlar að fylgjast með því að hann komi ekki til baka?“ Vítamínmarkaðurinn á Íslandi eins og villta vestrið Tjáir sig um brottvísun Kourani og tekist á um Jimmy Kimmel Tóku fyrstu skóflustungu að næsta áfanga miðbæjarins á Selfossi „Ýtnir og frekir“ útlendingar þykjist heyrnarlausir til að svíkja af fólki fé BSRB fordæmir áform ríkisstjórnar um að skerða réttindi starfsfólks Piltur stakk mann ítrekað en var sýknaður af tilraun til manndráps Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Sjá meira
Eigandi hótelsins Valaskjálfar á Egilsstöðum, þar sem til stendur að halda ferna tónleika um verslunarmannahelgina, kveðst harma það að engar konur komi fram á hótelinu þá helgi. Hann bendir þó á að ekki sé um tónlistarhátíð að ræða heldur ferna tónleika, sem tónlistarmennirnir sjálfir hafi haft frumkvæði að því að bóka. Eigandinn hvetur tónlistarkonur eindregið til að bóka sig á tónleika á Valaskjálf. Umræddir tónleikar eru á dagskrá frá fimmtudags- til sunnudagskvölds á hótel Valaskjálf. Á tónleikunum munu Dúndurfréttir, Emmsé Gauti, Ljótu hálfvitarnir og tvíeykið Óskar Pétursson og Eyþór Ingi Jónsson stíga á stokk. Semsagt, fjölmennt lið karlmanna en engin kona. Auglýsing fyrir tónleikaröðina, þar sem sjá má alla listamennina samankomna, vakti nokkra athygli – og gagnrýni – á samfélagsmiðlum eftir að hún komst í dreifingu í gær, líkt og sjá má hér fyrir neðan. flottir strákarnirnei samt hvernig gerist þetta bara aftur og aftur og aftur? pic.twitter.com/Ei92dKmqbB— bebbi 💅🏻 (@Bergrun) July 21, 2020 Lélegt „PR“ Þá sendir Þuríður Blær Jóhannsdóttir, leikkona og meðlimur rappsveitarinnar Reykjavíkurdætra, aðstandendum tónleikanna pillu á Facebook í gær. „Æi ég hefði verið svo til í að fara austur um Verslunarmannahelgina, en ég er með píku! Oh well...“ skrifar hún. Þá áréttar hún í athugasemdum við færslu sína að hún sé ekki að tjá sig hér sem tónlistarkona heldur tónleikagestur. „Mér finnst persónulega hundleiðinlegt á tónlistarviðburðum þar sem listamennirnir eru allir hvítir karlmenn á sama aldri. Þegar það er fjölskylduskemmtun, verð ég bara smá sorgmædd í þokkabót. Finnst þetta líka bara lélegt PR. Það er 2020, finnst alveg að það megi drulla yfir tónleikahaldara sem drulla upp á bak,“ skrifar Þuríður Blær. Harmar að engin kona hafi bókað sig Þráinn Lárusson eigandi Valaskjálfar segir í samtali við Vísi að ekki sé um tónlistarhátíð að ræða heldur röð tónleika, sem tónlistarmennirnir sjálfir hafi bókað. „Þetta er ekki tónlistarhátíð. Valaskjálf er staður eins og Græni hatturinn [tónleikastaður á Akureyri] og fólk bókar tónleika hjá okkur. Þarna bóka þessir aðilar tónleika hjá okkur, sem þeir halda sjálfir og selja sjálfir inn á. Við erum ekki söluaðilar inn á tónleikana einu sinni. Ég segi ekkert nei við neinn sem vill spila. Valaskjálf er opin öllum tónlistarmönnum sem vilja koma að spila, hvort sem það eru karlar eða konur. Þessir aðilar óskuðu eftir að fá að spila á þessum dögum,“ segir Þráinn. „Ég á sjálfsagt skömmina að láta grafíker búa til þetta plakat. Við erum þrjú sem sitjum í stjórn sem samþykkjum svona hluti, þar af eru tvær konur. Og ekkert okkar var að spá í þetta sérstaklega.“ Þá segir Þráinn að hann vilji ekki gera lítið úr þeirri staðreynd að engar konur spili á Valaskjálf um verslunarmannahelgina. „Ég harma það. Og ég hefði svo gjarnan viljað að einhver kona hefði bókað sig inn á þessa helgi líka. En það varð ekki. En það eru til dæmis allar helgar lausar í ágúst nema ein. Ef kvenfólk vill koma að halda tónleika þá eru nær allar helgarnar í ágúst lausar og fólki er guðvelkomið að hafa samband.“ Þannig að konur þurfa að vera duglegri að bóka tónleika á Valaskjálf? „Já, ég bara hvet konur til að vera duglegri. […] Ég hvet konur eindregið til að óska eftir að halda tónleika,“ segir Þráinn. Ójöfn kynjahlutföll á tónlistarviðburðum ýmiss konar hafa ítrekað verið til umræðu síðustu ár. Þannig hafa skipuleggjendur Þjóðhátíðar í Vestmannaeyjum til að mynda nokkrum sinnum þurft að svara fyrir hátt hlutfall karlflytjenda á hátíðinni í gegnum tíðina. Tónlistarviðburðir um verslunarmannahelgina eru af öllu skornari skammti en venjulega vegna faraldurs kórónuveiru. Þegar litið er yfir sviðið má þó sjá að engar konur eru heldur bókaðar á Græna hattinum á Akureyri yfir verslunarmannahelgina en þar munu hljómsveitirnar Dúndurfréttir, Sóldögg og Ljótu hálfvitarnir stíga stokk. Á Innipúkanum, tónlistarhátíð í miðbæ Reykjavíkur, eiga konur hlut í sex af tólf staðfestum atriðum.
Fljótsdalshérað Tónlist Mest lesið Bandaríkin beittu neitunarvaldinu gegn kröfu um vopnahlé Erlent Banna kennslubækur eftir konur í háskólum landsins Erlent „Það er erfitt að berjast fyrir eigin réttindum þegar maður er veikur“ Innlent Um tvö hundruð á ári á gjörgæslu vegna lífshættulegrar sýkingar Innlent Raunvirði íbúða lækkar á ný Innlent Mótmælir breyttu fyrirkomulagi í nemendaráðskosningum Innlent „Hver ætlar að fylgjast með því að hann komi ekki til baka?“ Innlent Lofuðu Trump í Norður-Kóreustíl Erlent Grunaður um að fara inn á heimili fjölskyldu og brjóta þar á barni Innlent Hundruð milljóna vanti: „Þetta er hreint misrétti“ Innlent Fleiri fréttir Á annað hundrað báta óhaffærir vegna ófullnægjandi skoðunar Kourani sótti um náðun af heilbrigðisástæðum Efnisneysla á Íslandi dregst saman en nemur yfir sextán tonnum á mann Um tvö hundruð á ári á gjörgæslu vegna lífshættulegrar sýkingar „Það er erfitt að berjast fyrir eigin réttindum þegar maður er veikur“ Fór inn á heimili, klæddi sig úr fötunum og sofnaði í stól 3,9 stiga skjálfti í Bárðarbungu Raunvirði íbúða lækkar á ný Mótmælir breyttu fyrirkomulagi í nemendaráðskosningum Grunaður um að fara inn á heimili fjölskyldu og brjóta þar á barni Ók á vegavinnumann og flúði vettvang Biðla til fólks að taka vel á móti sölumönnum þó svikahrappar séu á ferð Kimmel tekinn af dagskrá: Donald Trump grafi undan lýðræðinu Bókun 35 fór hnökralaust í gegnum fyrstu umræðu en gæti reynt á í næstu Hundruð milljóna vanti: „Þetta er hreint misrétti“ „Hver ætlar að fylgjast með því að hann komi ekki til baka?“ Vítamínmarkaðurinn á Íslandi eins og villta vestrið Tjáir sig um brottvísun Kourani og tekist á um Jimmy Kimmel Tóku fyrstu skóflustungu að næsta áfanga miðbæjarins á Selfossi „Ýtnir og frekir“ útlendingar þykjist heyrnarlausir til að svíkja af fólki fé BSRB fordæmir áform ríkisstjórnar um að skerða réttindi starfsfólks Piltur stakk mann ítrekað en var sýknaður af tilraun til manndráps Hafnir landsins þurfa hátt í hundrað milljarða næstu fimmtán árin Harma áform stjórnvalda sem heimila hækkun gjalda Innan við helmingur segist trúaður Guðjón Ragnar skipaður skólameistari „Ég er bara eins og ég er og tala bara eins og ég tala“ Inga á móti neitunarvaldi sveitarfélaga „Ævintýralegur ávinningur“ og ráðherra segir auðvelt að sækja um Kjósa um sameiningu sveitarfélaganna í lok nóvember og desember Sjá meira