Íslenski boltinn

Segir dapurt að Þórsarar hafi bakkað með stóra Coolbet-málið

Ísak Hallmundarson skrifar
Þjálfari og leikmenn Þórs mættu í viðtöl með derhúfur merktar Coolbet og fyrirtækið auglýsti á árskortum á heimaleiki liðsins.
Þjálfari og leikmenn Þórs mættu í viðtöl með derhúfur merktar Coolbet og fyrirtækið auglýsti á árskortum á heimaleiki liðsins. Samsett mynd/fótbolti.net/vísir

Það fór varla framhjá nokkrum knattspyrnuáhugamanni á Íslandi þegar þjálfari og leikmenn Þórs frá Akureyri mættu með húfur merktar erlenda veðmálafyrirtækinu Coolbet í viðtöl á Fótbolta.net. Lauk málinu með afsökunarbeiðni frá Þór og félagið dæmt til að greiða 50.000 króna sekt.

Málið hefur fangað athygli út fyrir íþróttaheiminn en pistlahöfundur á Viðskiptablaðinu, sem gengur undir dulnefninu „Huginn og muninn,“ gerði málið að umfjöllunarefni sínu um helgina. 

Greinahöfundur telur núverandi lög um veðmálaauglýsingar „tímaskekkju“ og hefði viljað sjá Þórsara ganga alla leið og opna á frekari umræðu um þessi mál.

„Eftir að fjallað var um málið bakkaði félagið hins vegar og baðst afsökunar á athæfinu. Þá urðu hrafnarnir daprir. Nærtækara hefði verið að taka málið á kassann og fara með það alla leið til að koma umræðu um málið á almennilegt skrið. Ella er betra að sitja heima en að fara af stað,“ segir í greininni.

Knattspyrnudeild Þórs sagði í yfirlýsingu um málið að um „stór mistök“ hafi verið að ræða og að félagið hefði ekki gert neinn samning við né hlotið greiðslur frá Coolbet. Þessar skýringar töldu margir ótrúverðugar.

Einnig komst upp að samstarf Þórs og Coolbet væri ekki nýtt af nálinni þar sem árskort stuðningsmanna var prýtt merki veðmálafyrirtækisins. 

Jóhann Már Helgason, sérfræðingur í fjármálum íslenskra knattspyrnufélaga, sagði í viðtali við Vísi í síðustu viku að honum þætti lögin úrelt. 

„Að mínu viti eru þessi lög úrelt því það er verið að auglýsa veðmálastarfsemi á Íslandi í gegnum Lengjuna og því halda ekki þau rök að þessar auglýsingar frá fyrirtækjum eins og Coolbet séu eitthvað verri en frá Lengjunni - þær eru grófari ef eitthvað er. Frá mínum bæjardyrum séð stendur þessi einokun Íslenskra Getrauna knattspyrnudeildum landsins fyrir þrifum, jafnvel þó allur hagnaður þeirra renni aftur til félaganna,“ sagði Jóhann.


Tengdar fréttir

Yfirlýsing Þórs: Þungbær en réttmæt niðurstaða

Knattspyrnudeild Þórs biður KSÍ, knattspyrnuáhugamenn og félagsmenn Þórs afsökunar á framferði sínu í tengslum við auglýsingu á erlendu veðmálafyrirtæki, bæði í viðtölum og á árskortum á heimaleiki liðsins.

Þór fékk fimmtíu þúsund króna sekt

Knattspyrnudeild Þórs hefur verið sektuð um 50.000 krónur vegna framkomu þjálfara og tveggja leikmanna eftir sigur á Grindavík síðasta föstudag, „derhúfumálsins“ svokallaða.

Samstarf Þórs og Coolbet ekki nýtt af nálinni

Samstarf Þórs og Coolbet hófst ekki með því að leikmenn og þjálfari karlaliðs félagsins í fótbolta klæddust derhúfu með merki veðmálafyrirtækisins í myndbandsviðtölum á föstudaginn. Yfirlýsing knattspyrnudeildar félagsins frá því í gær heldur ekki vatni.

Þórsarar auglýstu erlenda veðmálasíðu

Þjálfari og leikmenn Þórs á Akureyri auglýstu erlenda veðmálasíðu í viðtölum eftir að þeir unnu 2-1 sigur á Grindavík í fyrsta leik í 1. deildinni í fótbolta, sem í sumar heitir Lengjudeildin vegna samnings við Íslenskar getraunir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.