Innlent

Yfir þrjátíu þúsund sótt ferðagjöf stjórnvalda

Vésteinn Örn Pétursson skrifar
Þórdís Kolbrún Reykfjörð Gylfadóttir er meðal annars ráðherra ferðamála.
Þórdís Kolbrún Reykfjörð Gylfadóttir er meðal annars ráðherra ferðamála. Vísir/Vilhelm

Nú hafa yfir þrjátíu þúsund manns sótt hina svokölluðu Ferðagjöf, en það er 5.000 króna styrkur stjórnvalda til hvers einstaklings sem hefur náð 18 ára aldri og er með lögheimili hér á landi. Gjöfin er eyrnamerkt ferðalögum innanlands og var verkefninu hrundið af stað til þess að bregðast við efnahagsþrengingum af völdum kórónuveirufaraldursins sem nú geisar.

Þetta kemur fram í tilkynningu frá atvinnuvega- og nýsköpunarráðuneytinu. Þar er haft eftir Þórdísi Kolbrúnu Reykfjörð Gylfadóttur, ferðamála- iðnaðar- og nýsköpunarráðherra, að hún sé ánægð með hvernig verkefnið fer af stað.

„Það er gott að þetta verkefni fari svona vel af stað og gaman að sjá hversu margir taka Ferðagjöfinni fagnandi. Markmiðin eru að hvetja Íslendinga til að ferðast um landið, styðja við ferðaþjónustuna og umfram allt njóta sumarsins á Íslandi. Við erum í þessu saman.“

Hægt er að nálgast nánari upplýsingar um átakið á vefnum Ferðalag.is.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×