Veður

Skúraveður í kortunum í dag

Margrét Helga Erlingsdóttir skrifar
faefafCapture

Fremur hæg suðvestlæg átt í dag og víða dálitlar skúrir en eftir hádegi má búast við heldur öflugri skúrum norðaustan til á landinu. Hiti átta til nítján stig, hlýjast austanlands.

Á morgun snýst í austlæga eða breytilega átt, þrír til tíu metrar á sekúndu og áframhaldandi skúrir en þurrt að kalla um landið norðaustanvert.

Bætir í vind við norður- og austurströndina um kvöldið og fer að rigna austantil en þá styttir jafnframt upp sunnan- og vestanlands.

Veðurhorfur á landinu næstu daga

Á föstudag:

Austlæg eða breytileg átt 3-8 m/s og skúrir, en þurrt að kalla austanlands. Hiti 10 til 16 stig. Bætir heldur í vind um kvöldið og fer að rigna austantil.

Á laugardag:

Norðaustan 8-13 m/s, en hægari norðaustanlands. Dálítil rigning af og til og hiti 8 til 13 stig, en að 18 stigum suðvestantil.

Á sunnudag:

Gengur í norðaustan 10-18, hvassast norðvestantil. Líkur á vætu í flestum landshlutum, og talsverð rigning um tíma austanlands. Hiti 7 til 12 stig, en 14 til 20 stig um landið vestanvert.

Á mánudag:

Ákveðin norðaustanátt og rigning norðaustan- og austanlands, annars úrkomulítið. Hiti 7 til 15 stig, hlýjast suðvestantil.

Á þriðjudag:

Norðaustlæg átt og dálítil væta um landið austanvert, en bjart með köflum sunnan- og vestanlands. Hiti breytist lítið.

Á miðvikudag:

Norðlæg átt og víða dálitlar skúrir. Heldur kólnandi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.