Körfubolti

Martin stigahæstur í sigri Alba Berlín

Ísak Hallmundarson skrifar
Martin var frábær í leiknum í gær.
Martin var frábær í leiknum í gær. getty/Regina Hoffmann

Martin Hermannsson átti mjög góðan leik fyrir Alba Berlín í úrslitakeppni þýsku deildarinnar í körfubolta í gærkvöldi. Alba Berlín sigraði Göttingen með 88 stigum gegn 85.

Martin og félagar unnu fyrstu tvo leikhlutana 22-16 og 30-15 og voru því 21 stigi yfir í hálfleik. Göttingen vann upp stóran hluta forskotsins í seinni hálfleik en það dugði ekki til. Martin var með 19 stig og sjö stoðsendingar og var hann stigahæsti maður vallarins. 

Alba Berlín eru komnir áfram í undanúrslit en þeir unnu fyrri leik liðanna 93-68. Þar munu þeir mæta Oldenburg. Stórliðið Bayern Munchen datt út í gær og verður því fróðlegt að sjá hversu langt Martin og liðsfélagar fara í ár.




Fleiri fréttir

Sjá meira


×