Innlent

Smituðum fjölgar um þrjá milli daga

Vésteinn Örn Pétursson skrifar
Tvö smitanna greindust á veirufræðideild Landspítalans.
Tvö smitanna greindust á veirufræðideild Landspítalans. Ljósmynd/Landspítali/Þorkell

Staðfest smit kórónuveirunnar sem veldur Covid-19-sjúkdómnum eru nú alls 1.819 hér á landi. Staðfestum smitum fjölgaði því um þrjú frá því síðustu tölur voru birtar á covid.is klukkan 13 í gær.

Tvö smitanna greindust á veirufræðideild Landspítalans, og eitt á Keflavíkurflugvelli. Ætla má að tvö smitanna hafi greinst hjá lögreglumönnum sem greindust með veiruna, til viðbótar við þann sem greinst hafði áður eftir aðgerðir vegna rúmenskra manna sem komu til lands í síðustu viku og reyndust smitaðir.

Virk smit hér á landi eru því átta. Í sóttkví eru 501. Á landamærum Íslands voru tekin 702 sýni, en 36 hjá veirufræðideildinni og gerir það því alls 738 sýni síðasta sólarhringinn.

Enginn liggur á sjúkrahúsi með Covid-19. Alls hafa 1.801 náð bata og 22.069 lokið sóttkví. Sýni sem tekin hafa verið hér á landi eru nú 66.542 talsins.

Tíu hafa látist af völdum Covid-19 hér á landi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.