Séra Skírnir íhugar málaferli gegn biskupi

Samúel Karl Ólason skrifar 27. maí 2020 07:04

Agnes M. Sigurðardóttir, biskup Íslands. Vísir/Baldur

Séra Skírnir Garðarsson íhugar að stefna þjóðkirkjunni eða Agnesi M. Sigurðardóttur, biskup, vegna þjónustuloka hans sem prests. Skírni var vikið úr starfi í apríl fyrir brot á trúnaðarskyldu presta og starfs- og siðareglum þeirra. Það var vegna ummæla hans um konu sem sökuð er um skjalafals í bakvarðasveit á hjúkrunarheimilinu Bergi í Bolungarvík.

Í samtali við Fréttablaðið segir Sigurður Kári Kristjánsson, lögmaður Skírnis, að verið sé að skoða hvort stefna eigi þjóðkirkjunni, biskupi eða báðum vegna málsins.

Í Fréttablaðinu segir einnig að Skírnir hafi krafist þess fyrr í mánuðinum að fá að snúa aftur til starfa. Í kröfubréfi Skírnis segist hann iðrast þess að hafa „brotið trúnað gagnvart kirkjunni og skjólstæðingi mínum“.

Í lok apríl gaf Biskupsstofa út yfirlýsingu um mál Skírnis þar sem því var alfarið neitað að brotið hafi verið á honum með uppsögninni.

Þetta er í annað sinn sem Skírnir er vikið frá störfum. Í lok árs 2015 var honum vikið frá störfum í Lágafellssókn og það vegna máls sem rekja má til samskipta hans og „bakvarðarins“. Konan hafði þegið fjárhagsaðstoð úr líknarsjóði Lágafellskirkju árið 2013 þegar hann var prestur í sókninni. Skírnir grunaði að konan hefði falsað pappíra í umsókn sinni og ræddi við félagsmálastjóra Mosfellsbæjar um að sjá gögn sem sneru að henni.

Konan kærði hann fyrir brot á persónuverndarlögum, ásamt starfsmanni Mosfellsbæjar, eftir að hann lét kanna hvort hún segði rétt frá.

Þjóðkirkjan

Tengdar fréttir

Trúnaðarskylda presta hornsteinn í sambandi þeirra við skjólstæðinga

„Rjúfi prestur trúnaðarskyldu gagnvart einhverjum skjólstæðingi sínum er það alvarlegt mál sem varðar við starfs- og siðareglur presta.“ Þetta segir í tilkynningu frá Þjóðkirkjunni um trúnaðarskildu presta en umræða fór af stað um hana vegna ásakana Skírnis Garðarsonar prests á hendur konunnar sem grunuð er um skjalafals í bakvarðasveit á hjúkrunarheimilinu Bergi í Bolungarvík.

13. apríl 2020 17:09

Prestur fylltist áhyggjum þegar hann sá bakvörðinn á fréttamyndum í þyrlunni

Skírnir Garðarson prestur segir sömu konu og grunuð er um skjalafals í bakvarðasveit á hjúkrunarheimilinu Bergi í Bolungarvík, hafa beitt svikum til þess að fá fjárhagsaðstoð úr líknarsjóði Lágafellskirkju.

11. apríl 2020 23:31

Kirkjan stendur á sínu í máli séra Skírnis

Biskupsstofa segir misskilnings eða rangfærslna hafa gætt í umfjöllun um mál séra Skírnis Garðarssonar, sem var rekinn úr starfi sínu sem héraðsprestur á Suðurlandi í síðustu viku.

28. apríl 2020 08:53

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir