Biður Twitter um að fjarlægja morðsamsærisóra Trump Kjartan Kjartansson skrifar 26. maí 2020 13:55 Eftir því sem gagnrýni á viðbrögð hans við kórónuveirufaraldrinum hefur magnast hefur Trump forseti tvíeflst í að saka þá sem hann telur pólitíska andstæðinga sína um margvíslega glæpi, þar á meðal morð, án innistæðu. AP/Evan Vucci Ekkill starfsmanns bandarísks fyrrverandi þingmanns sem Donald Trump forseta er í nöp við hefur beðið forstjóra Twitter um að fjarlægja tíst forsetans með samsæriskenningum um dauða konu sinnar. Trump forseti hefur ítrekað slengt fram rakalausum samsæriskenningum sem ýja að því að fyrrverandi þingmaðurinn hafi myrt konuna. Lori Kaye Klausutis var 28 ára gömul þegar hún lést á skrifstofu þáverandi fulltrúadeildarþingmanns Repúblikanaflokksins, Joe Scarborough, á Flórída 20. júlí árið 2001. Krufning leiddi í ljós að Klausutis lést þegar hún rak höfuðið í skrifborð eftir að hún féll í yfirlið vegna gáttatifs sem hún þjáðist af án þess að vita það. Nú tæpum tuttugu árum síðar er Scarborough þáttastjórnandi á sjónvarpsstöðinni MSNBC og harður gagnrýnandi Trump forseta. Fyrir vikið hefur Scarborough mátt sæta hörðum persónuárásum Trump, ekki síst á uppáhaldssamfélagsmiðli forsetans, Twitter. Þar hefur Trump uppnefnt Scarborough „geðsjúkan“ og „klikkhaus“ og hæðst að áhorfstölum þáttarins sem hann stýrir. Sjá einnig: Trump sakar fjölda andstæðinga sinna um glæpi og jafnvel morð Svæsnustu persónuárásir Trump hafa þó tengst dauða Klausutis. Trump hefur við og við kynt undir samsæriskenningum um að Scarborough hefði komið nálægt andláti hennar í gegnum árum. Hann hefur meðal annars haldið því fram að þau gætu hafa átt í leynilegu ástarsambandi. Joe Scarborough var fulltrúadeildarþingmaður frá Pensacola þegar Lori Kaye Klausutis lést á skrifstofu hans í Flórída árið 2001. Hann var staddur í Washington-borg þegar hún lést af slysförum. Hann hefur deilt hart á Trump forseta í spjallþætti sínum „Morgun-Jói“ á MSNBC.AP/Steven Senne Rakalausar morðásakanir forsetans Undanfarna daga og eftir því sem gagnrýni vegna viðbragða alríkisstjórnarinnar við kórónuveirufaldrinum hefur stigmagnast hefur Trump gengi enn harðar fram gegn þeim sem hann telur andstæðinga sína. Hann hefur meðal sakað Barack Obama, forvera sinn í embætti, um óljósa glæpi og fyrrverandi fulltrúa alríkislögreglunnar og dómsmálaráðuneytisins sömuleiðis. Scarborough hefur einnig fengið að kenna á bræði forsetans sem hefur bætt í og ítrekað ýjað að því að dauði Klausutis hafi verið grunsamlegur og hvatt til þess að yfirvöld á Flórída rannsökuðu hann aftur. „Komst hann upp með morð? Sumir telja það,“ tísti Trump um Scarborough í síðustu viku án nokkurs rökstuðnings. Enginn fótur er fyrir aðdróttunum Trump um Scarborough og andlát Klausutis. Réttarmeinafræðingur úrskurðaði að hún hefði látist að slysförum og engin merki voru um átök eða innbrot þegar lík hennar fannst á skrifstofu þingmannsins. Klausutis hafði sagt vinum að henni liði ekki vel nokkrum klukkustundum áður en hún lést. Scarborough sjálfur var jafnframt í Washington-borg þegar Klausutis lést, hátt í 1.500 kílómetrum í burtu. Skjáskot af tísti Trump um Scarborough og dauða Klausutis 12. maí 2020.Skjáskot Óttast ofsóknir nettrölla ef þau svara forsetanum Samsærisórar Trump um Scarborough sé morðingi hafa vakið tiltölulega litla athygli í Washington-borg. Þingmenn repúblikana hafa þagað þunnu hljóði en þeir eru vanir að reyna að láta fúkyrðaflauminn á Twitter-síðu forsetans fram hjá sér fara. Scarborough sjálfur hefur lýst hneykslan á framferði Trump í þáttum sínum undanfarið. Falskar ásakanir forsetans væru þó aðallega særandi fyrir fjölskyldu Klaustusis. Mika Brzezinski, meðstjórnandi Scarborough og eiginkona hans, sakaði Trump um að notfæra sér dauða ungu konunnar til þess að dreifa athyglinni frá kórónuveirufaraldrinum sem hefur lagst þyngra á Bandaríkin en nokkurt annað ríki. Enginn úr fjölskyldu Klaustusis á Flórída vildi tjá sig um samsæriskenningar Trump forseta við Washington Post af ótta við að verða fyrir barðinu á nettröllum líkt og þeim sem hafa ofsótt fjölskyldur barna sem voru myrt í fjöldamorðinu í Sandy Hook á sínum tíma. Fjölskyldan hefur áður mátt þola samsæriskenningar um Klaustusis þegar andstæðingar Scarborough af vinstri vængnum gerðu sér mat úr dauða hennar. „Það er margt sem við værum endilega til í að segja en við getum það ekki,“ segir Colin Kelly sem var mágur Klausutis. Jack Dorsey, forstjóri Twitter, hefur ekki svarað Klausutis svo vitað sé.Vísir/EPA Sakar Trump um að spilla minningu eiginkonu sinnar Nú hefur Timothy Klausutis, ekkill Lori Kaye, skrifað Jack Dorsey, forstjóra Twitter, bréf þar sem hann fer fram á að tíst Trump um dauða hennar og meinta aðild Scarborough verði fjarlægð. Vísar ekkillinn til notendaskilmála Twitter og fordæma þar sem Twitter fjarlægði efni. „Venjulegur notandi eins og ég yrði bannaður frá miðlinum fyrir svona tíst en ég fer aðeins fram á að þessi tíst verði fjarlægð,“ skrifar Klausutis til Dorsey lætur fylgja með myndir af tveimur tístum Trump forseta og einu frá syni hans, Donald Trump yngri. Í bréfinu lýsir Klausutis því að dauði eiginkonu hans sé það þungbærasta sem hefur hent hann á lífsleiðinni og að hann ásæki enn foreldra hennar og systkini. Allt frá því að hún lést hafi fjölskyldan orðið fyrir flaumi ósanninda, aðdróttana og samsæriskenninga sem hafi torveldað honum að halda áfram með líf sitt. „Ég bið þig um skarast í leikinn í þessu tilfelli vegna þess að forseti Bandaríkjanna tók nokkuð sem tilheyrir honum ekki, minningu látinnar eiginkonu minnar, og spillt henni til þess sem hann telur pólitískan ávinning,“ skrifar Timothy Klausutis sem Washington Post segir að hafi aldrei gifst aftur eftir dauða Lori Kaye. „Eiginkona mín á betra skilið,“ segir hann í bréfinu. AP-fréttastofan segir að Twitter hafi ekki svarað fyrirspurn hennar um bréfið strax. Bréf Klausutis virðist þó lítil áhrif hafa haft á Trump forseta. Hann hélt áfram að tísta um Scarborough og dauða Klausutis í dag en bar því þó við að hann hafi ekki átt upphafið að samsæriskenningunum. Ítrekaði hann enn á ný aðdróttanir sínar um að Scarborough gæti hafa átt þátt í dauða hennar og að löggæsluyfirvöld gætu tekið málið upp aftur. Donald Trump Bandaríkin Faraldur kórónuveiru (COVID-19) Twitter Skotárás í Sandy Hook-grunnskólanum Tengdar fréttir Varði helginni í golf, móðganir og morðásakanir Donald Trump varði helginni í að spila golf, í fyrsta sinn um nokkurt skeið, og að tísta móðgunum, lygum og alls konar dylgjum um andstæðinga sína. 25. maí 2020 12:05 Trump sakar fjölda andstæðinga sinna um glæpi og jafnvel morð Donald Trump, forseti Bandaríkjanna, hefur varið miklum tíma á Twitter síðustu daga. Þar hefur hann meðal annars sakað þáttastjórnanda um morð og fjölmarga pólitíska andstæðinga sína um allskonar glæpi. 13. maí 2020 15:57 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það er enginn sem verndar son okkar“ Innlent Sveddi sagður með tengsl við ítölsku mafíuna Innlent Hraun mjakast yfir varnargarð Innlent Forsetavaktin 2024: Hver verður sjöundi forseti lýðveldisins? Innlent Fylgi Höllu Hrundar ekki fast í hendi Innlent Krefjast skýringa á brotthvarfi Maríu Sigrúnar Innlent Tíu kílómetrar eftir af hundrað: Gangan miklu erfiðari en hann óraði fyrir Innlent Ný gossprunga geti opnast fyrirvaralaust á næstunni Innlent Halla Hrund mælist með mest fylgi allra frambjóðenda Innlent Mikil gleði þegar Bergur komst í mark Innlent Fleiri fréttir Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Sjá meira
Ekkill starfsmanns bandarísks fyrrverandi þingmanns sem Donald Trump forseta er í nöp við hefur beðið forstjóra Twitter um að fjarlægja tíst forsetans með samsæriskenningum um dauða konu sinnar. Trump forseti hefur ítrekað slengt fram rakalausum samsæriskenningum sem ýja að því að fyrrverandi þingmaðurinn hafi myrt konuna. Lori Kaye Klausutis var 28 ára gömul þegar hún lést á skrifstofu þáverandi fulltrúadeildarþingmanns Repúblikanaflokksins, Joe Scarborough, á Flórída 20. júlí árið 2001. Krufning leiddi í ljós að Klausutis lést þegar hún rak höfuðið í skrifborð eftir að hún féll í yfirlið vegna gáttatifs sem hún þjáðist af án þess að vita það. Nú tæpum tuttugu árum síðar er Scarborough þáttastjórnandi á sjónvarpsstöðinni MSNBC og harður gagnrýnandi Trump forseta. Fyrir vikið hefur Scarborough mátt sæta hörðum persónuárásum Trump, ekki síst á uppáhaldssamfélagsmiðli forsetans, Twitter. Þar hefur Trump uppnefnt Scarborough „geðsjúkan“ og „klikkhaus“ og hæðst að áhorfstölum þáttarins sem hann stýrir. Sjá einnig: Trump sakar fjölda andstæðinga sinna um glæpi og jafnvel morð Svæsnustu persónuárásir Trump hafa þó tengst dauða Klausutis. Trump hefur við og við kynt undir samsæriskenningum um að Scarborough hefði komið nálægt andláti hennar í gegnum árum. Hann hefur meðal annars haldið því fram að þau gætu hafa átt í leynilegu ástarsambandi. Joe Scarborough var fulltrúadeildarþingmaður frá Pensacola þegar Lori Kaye Klausutis lést á skrifstofu hans í Flórída árið 2001. Hann var staddur í Washington-borg þegar hún lést af slysförum. Hann hefur deilt hart á Trump forseta í spjallþætti sínum „Morgun-Jói“ á MSNBC.AP/Steven Senne Rakalausar morðásakanir forsetans Undanfarna daga og eftir því sem gagnrýni vegna viðbragða alríkisstjórnarinnar við kórónuveirufaldrinum hefur stigmagnast hefur Trump gengi enn harðar fram gegn þeim sem hann telur andstæðinga sína. Hann hefur meðal sakað Barack Obama, forvera sinn í embætti, um óljósa glæpi og fyrrverandi fulltrúa alríkislögreglunnar og dómsmálaráðuneytisins sömuleiðis. Scarborough hefur einnig fengið að kenna á bræði forsetans sem hefur bætt í og ítrekað ýjað að því að dauði Klausutis hafi verið grunsamlegur og hvatt til þess að yfirvöld á Flórída rannsökuðu hann aftur. „Komst hann upp með morð? Sumir telja það,“ tísti Trump um Scarborough í síðustu viku án nokkurs rökstuðnings. Enginn fótur er fyrir aðdróttunum Trump um Scarborough og andlát Klausutis. Réttarmeinafræðingur úrskurðaði að hún hefði látist að slysförum og engin merki voru um átök eða innbrot þegar lík hennar fannst á skrifstofu þingmannsins. Klausutis hafði sagt vinum að henni liði ekki vel nokkrum klukkustundum áður en hún lést. Scarborough sjálfur var jafnframt í Washington-borg þegar Klausutis lést, hátt í 1.500 kílómetrum í burtu. Skjáskot af tísti Trump um Scarborough og dauða Klausutis 12. maí 2020.Skjáskot Óttast ofsóknir nettrölla ef þau svara forsetanum Samsærisórar Trump um Scarborough sé morðingi hafa vakið tiltölulega litla athygli í Washington-borg. Þingmenn repúblikana hafa þagað þunnu hljóði en þeir eru vanir að reyna að láta fúkyrðaflauminn á Twitter-síðu forsetans fram hjá sér fara. Scarborough sjálfur hefur lýst hneykslan á framferði Trump í þáttum sínum undanfarið. Falskar ásakanir forsetans væru þó aðallega særandi fyrir fjölskyldu Klaustusis. Mika Brzezinski, meðstjórnandi Scarborough og eiginkona hans, sakaði Trump um að notfæra sér dauða ungu konunnar til þess að dreifa athyglinni frá kórónuveirufaraldrinum sem hefur lagst þyngra á Bandaríkin en nokkurt annað ríki. Enginn úr fjölskyldu Klaustusis á Flórída vildi tjá sig um samsæriskenningar Trump forseta við Washington Post af ótta við að verða fyrir barðinu á nettröllum líkt og þeim sem hafa ofsótt fjölskyldur barna sem voru myrt í fjöldamorðinu í Sandy Hook á sínum tíma. Fjölskyldan hefur áður mátt þola samsæriskenningar um Klaustusis þegar andstæðingar Scarborough af vinstri vængnum gerðu sér mat úr dauða hennar. „Það er margt sem við værum endilega til í að segja en við getum það ekki,“ segir Colin Kelly sem var mágur Klausutis. Jack Dorsey, forstjóri Twitter, hefur ekki svarað Klausutis svo vitað sé.Vísir/EPA Sakar Trump um að spilla minningu eiginkonu sinnar Nú hefur Timothy Klausutis, ekkill Lori Kaye, skrifað Jack Dorsey, forstjóra Twitter, bréf þar sem hann fer fram á að tíst Trump um dauða hennar og meinta aðild Scarborough verði fjarlægð. Vísar ekkillinn til notendaskilmála Twitter og fordæma þar sem Twitter fjarlægði efni. „Venjulegur notandi eins og ég yrði bannaður frá miðlinum fyrir svona tíst en ég fer aðeins fram á að þessi tíst verði fjarlægð,“ skrifar Klausutis til Dorsey lætur fylgja með myndir af tveimur tístum Trump forseta og einu frá syni hans, Donald Trump yngri. Í bréfinu lýsir Klausutis því að dauði eiginkonu hans sé það þungbærasta sem hefur hent hann á lífsleiðinni og að hann ásæki enn foreldra hennar og systkini. Allt frá því að hún lést hafi fjölskyldan orðið fyrir flaumi ósanninda, aðdróttana og samsæriskenninga sem hafi torveldað honum að halda áfram með líf sitt. „Ég bið þig um skarast í leikinn í þessu tilfelli vegna þess að forseti Bandaríkjanna tók nokkuð sem tilheyrir honum ekki, minningu látinnar eiginkonu minnar, og spillt henni til þess sem hann telur pólitískan ávinning,“ skrifar Timothy Klausutis sem Washington Post segir að hafi aldrei gifst aftur eftir dauða Lori Kaye. „Eiginkona mín á betra skilið,“ segir hann í bréfinu. AP-fréttastofan segir að Twitter hafi ekki svarað fyrirspurn hennar um bréfið strax. Bréf Klausutis virðist þó lítil áhrif hafa haft á Trump forseta. Hann hélt áfram að tísta um Scarborough og dauða Klausutis í dag en bar því þó við að hann hafi ekki átt upphafið að samsæriskenningunum. Ítrekaði hann enn á ný aðdróttanir sínar um að Scarborough gæti hafa átt þátt í dauða hennar og að löggæsluyfirvöld gætu tekið málið upp aftur.
Donald Trump Bandaríkin Faraldur kórónuveiru (COVID-19) Twitter Skotárás í Sandy Hook-grunnskólanum Tengdar fréttir Varði helginni í golf, móðganir og morðásakanir Donald Trump varði helginni í að spila golf, í fyrsta sinn um nokkurt skeið, og að tísta móðgunum, lygum og alls konar dylgjum um andstæðinga sína. 25. maí 2020 12:05 Trump sakar fjölda andstæðinga sinna um glæpi og jafnvel morð Donald Trump, forseti Bandaríkjanna, hefur varið miklum tíma á Twitter síðustu daga. Þar hefur hann meðal annars sakað þáttastjórnanda um morð og fjölmarga pólitíska andstæðinga sína um allskonar glæpi. 13. maí 2020 15:57 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það er enginn sem verndar son okkar“ Innlent Sveddi sagður með tengsl við ítölsku mafíuna Innlent Hraun mjakast yfir varnargarð Innlent Forsetavaktin 2024: Hver verður sjöundi forseti lýðveldisins? Innlent Fylgi Höllu Hrundar ekki fast í hendi Innlent Krefjast skýringa á brotthvarfi Maríu Sigrúnar Innlent Tíu kílómetrar eftir af hundrað: Gangan miklu erfiðari en hann óraði fyrir Innlent Ný gossprunga geti opnast fyrirvaralaust á næstunni Innlent Halla Hrund mælist með mest fylgi allra frambjóðenda Innlent Mikil gleði þegar Bergur komst í mark Innlent Fleiri fréttir Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Sjá meira
Varði helginni í golf, móðganir og morðásakanir Donald Trump varði helginni í að spila golf, í fyrsta sinn um nokkurt skeið, og að tísta móðgunum, lygum og alls konar dylgjum um andstæðinga sína. 25. maí 2020 12:05
Trump sakar fjölda andstæðinga sinna um glæpi og jafnvel morð Donald Trump, forseti Bandaríkjanna, hefur varið miklum tíma á Twitter síðustu daga. Þar hefur hann meðal annars sakað þáttastjórnanda um morð og fjölmarga pólitíska andstæðinga sína um allskonar glæpi. 13. maí 2020 15:57