Veður

Bongó í bænum en varað við veðri undir Vatnajökli

Vésteinn Örn Pétursson skrifar
Gert er ráð fyrir nokkuð góðu veðri á höfuðborgarsvæðinu í dag.
Gert er ráð fyrir nokkuð góðu veðri á höfuðborgarsvæðinu í dag. Vísir/Vilhelm

Hiti gæti náð allt að 18 gráðum á höfuðborgarsvæðinu í dag. Gul veðurviðvörun er nú í gildi á Suðausturlandi.

Gert er ráð fyrir norðan hvassviðri undir Vatnajökli fyrri hluta dagsins í dag og er gul veðurviðvörun í gildi fyrir Suðausturland til klukkan 13. Þá er búist við slyddu eða snjókomu á heiðum austast á landinu fram eftir degi og því verður færð ekki með besta móti á þeim slóðum.

Norðan og norðaustan til verða á bilinu 5-13 metrar á sekúndu. Bjart verður sunnan- og vestanlands, en skýjað og rigning eða slydda með köflum um landið norðaustanvert. Eftir hádegi dregur smám saman úr vindi og styttir upp norðaustanlands. Hiti á Suður- og Suðvesturlandi verður á bilinu 11-18 stig, en 2-8 á Norðaustur- og Austurlandi.

Veðurhorfur næstu daga, samkvæmt vef Veðurstofu Íslands:

Sunnudagur:

Suðaustan 10-18 m/s, hvassast vestantil. Víða rigning, talsverð sunnanlands, en lengst af þurrt norðaustantil. Hiti 6 til 15 stig, hlýjast á Norðurlandi. Dregur úr úrkomu og lægir um kvöldið.

Mánudagur:

Sunnan og suðvestan 10-18. Rigning og hiti 6 til 11 stig, en þurrt að kalla norðaustanlands og hiti að 15 stigum.

Þriðjudagur:

Suðvestan 8-13 og skúrir, en rofar til um landið austanvert. Hiti 6 til 11 stig.

Miðvikudagur:

Sunnan 10-15 og rigning, en úrkomulítið norðaustantil. Hiti 7 til 12 stig.

Fimmtudagur:

Suðlæg eða breytileg átt og rigning í flestum landshlutum. Hiti breytist lítið.

Föstudagur:

Útlit fyrir suðvestanátt og skúrir, en þurrt og bjart veður austanlands.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.