Erlent

Bein af tugum loð­fíla fundust á byggingar­svæði nýs flug­vallar

Atli Ísleifsson skrifar
Fornleifafræðingarnar segja að fjölbreytileiki dýra- og plöntulíf á svæðinu hafi verið mun meiri en áður var talið.
Fornleifafræðingarnar segja að fjölbreytileiki dýra- og plöntulíf á svæðinu hafi verið mun meiri en áður var talið. EPA

Hópur fornleifafræðinga hefur fundið líkamsleifar rúmlega sextíu loðfíla á svæði sem leggja á undir byggingu nýs flugvallar sem ætlað er að þjóna Mexíkóborg. Sömuleiðis hafa fundist bein af bæði mannfólki og öðrum dýrum.

Fornleifafræðingarnir áætla að beinin sem fundust á byggingasvæði Felipe Angeles alþjóðaflugvallarins séu um 15 þúsund ára gömul.

Loðfílaleifarnar fundust nálægt þeim stað þar sem til stendur að reisa flugstjórnarturn flugvallarins, sem staðsettur er um 50 kílómetrum norður af mexíkósku höfuðborginni. Fornleifafræðingar hafa starfað á svæðinu síðan í apríl á síðasta ári.

Talið er að bein allra loðfílanna séu af kólumbískri tegund loðfíla, en á svæðinu hafa einnig fundist leifar af vísundum, kameldýrum og hestum.

Fornleifafræðingarnar segja að fjölbreytileiki dýra- og plöntutegunda á svæðinu hafi verið mun meiri en áður var talið. Ekki er þó áætlað að fundirnir muni valda töfum á framkvæmdum við byggingu flugvallarins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.