Ólafur og Lovísa selja 230 fermetra raðhús á níutíu milljónir

Hjónin Ólafur Darri Ólafsson og dansarinn Lovísa Ósk Gunnarsdóttir hafa sett raðhús sitt í Norðlingaholtinu á sölu en eignin er 227 fermetrar að stærð.

Eignin sjálf er 192 fermetrar og að auki má finna þar 34 fermetra bílskúr. Ásett verð er 91,9 milljónir en fasteignamatið er um 88 milljónir.

Það var Rut Káradóttir sem hannaði eignina við Þingvað.

Alls eru fimm svefnherbergi í raðhúsinu og tvö baðherbergi. Húsið var byggt árið 2010 og stendur það við botnlangagötu.

Hér að neðan má sjá myndir af eign Ólafs og Lovísu.