Bandaríkin réðu einn valdamesta mann Írans af dögum Atli Ísleifsson og Gunnar Reynir Valþórsson skrifa 3. janúar 2020 06:42 Qasem Soleimani fór fyrir Quds-sérsveitum byltingarvarðarins sem standa fyrir öllum hernaðaraðgerðum Írana utan heimalandsins. vísir/epa Bandaríkjamenn réðu einn valdamesta mann íranska byltingarvarðarins af dögum í Bagdad í Írak í nótt. Hershöfðinginn Qasem Soleimani fór fyrir Quds-sérsveitum byltingarvarðarins sem standa fyrir öllum hernaðaraðgerðum Írana utan heimalandsins. Varnarmálaráðuneyti Bandaríkjanna hefur staðfest að Soleimani hafi verið drepinn að skipun Donalds Trump Bandaríkjaforseta, en forsetinn birti mynd af bandarískum fána á Twitter-síðu sinni skömmu eftir að tilkynnt var um árásina. Hershöfðinginn Soleimani var á leið frá flugvellinum í íröksku höfuðborginni Bagdad þegar dróni Bandaríkjahers skaut á bílalest hans og er hann talinn hafa látist samstundis. pic.twitter.com/VXeKiVzpTf — Donald J. Trump (@realDonaldTrump) January 3, 2020 Æðsti leiðtogi Írans, Ayatollah Ali Khamenei, segir að morðinu verði hefnt á grimmilegan hátt. Þá lýsti hann einnig yfir þriggja daga þjóðarsorg í landinu, en hinn 62 ára Soleimani var af mörgum talinn annar valdamesti maður landsins á eftir Khamenei sjálfum. Heyrði Soleimani beint undir Khamenei. Olíuverð á heimsvísu hækkaði um fjögur prósent eftir að fregnirnar bárust og sömuleiðis bárust fréttir af miklum lækkunum í kauphöllum í Asíu vegna þeirrar óvissu sem nú er uppi. Sendiráð Bandaríkjanna í Írak hefur beint því til allra bandarískra borgara sem eru í Írak að yfirgefa landið. Frá vettvangi árásarinnar í nótt.AP Litið á Soleimani sem þjóðhetju Í Íran var litið á hann sem þjóðhetju en Bandaríkjamenn skildgreindu Quds-hersveitir hans sem hryðjuverkamenn í apríl á síðasta ári. Sakar Bandaríkjastjórn Soleimani og Quds-sveitirnar um að bera ábyrgð á dauða hundruð bandarískra hermanna. Þá segir í yfirlýsingu bandaríska varnarmálaráðuneytisins að Soleimani „ynni nú að þróun áætlana um árásir á bandaríska diplómata og hermanna í Írak og víðar í heimshlutanum.“ Þessi árás væri ætluð til að aftra Írönum frá frekari árásum. Talið er að Soleimani hafi fyrirskipað eða í það minnsta heimilað árásina á sendiráð Bandaríkjamanna í Bagdad í síðustu viku. Javad Zarif, utanríkisráðherra Írans, sakar í tísti Bandaríkjamenn um hryðjuverk og segir hershöfðingjann Soleimani hafa verið ötullasta manninn í baráttunni gegn hryðjuverkasamtökunum ISIS. Bandaríkjamenn beri auk þess alla ábyrgð á afleiðingum árásar sinnar. The US' act of international terrorism, targeting & assassinating General Soleimani—THE most effective force fighting Daesh (ISIS), Al Nusrah, Al Qaeda et al—is extremely dangerous & a foolish escalation. The US bears responsibility for all consequences of its rogue adventurism.— Javad Zarif (@JZarif) January 3, 2020 Í frétt BBC segir að Soleimani og fulltrúar uppreisnarhópa, sem njóta stuðnings Írana, hafi verið að yfirgefa flugvöllinn í tveimur bílum þegar ráðist var á þá á iðnaðarsvæði. Hershöfðinginn er sagður hafa þá komið frá Líbanon eða Sýrlandi. Nokkrum eldflaugum var skotið á bílalestina og eru fimm til viðbótar sagðir hafa látið lífið í árásinni. Í yfirlýsingu frá íranska byltingarverðinum segir að leiðtogi írakskra uppreisnarmanna, Abu Mahdi al-Muhandis, hafi einnig látið lífið í árásinni. Stýrt Quds-sveitunum í tuttugu ár Soleimani hafði stýrt Quds-sveitunum frá árinu 1998 Írönsk stjórnvöld hafa viðurkennt að Quds-sveitirnar hafi tekið virkan þátt í átökunum í Sýrlandi þar sem þær aðstoðuðu hópa trúir Bashar al-Assad Sýrlandsforseta og sáu þúsundum hermanna fyrir vopnum. Auk þess hafa Quds-sveitirnar stutt við bakið á sveitum í Írak sem hafa barist gegn liðsmönnum hryðjuverkasamtakanna ISIS. Qasem Soleimani.AP Fréttaskýrandi BBC segir að litið hafi verið á Soleimani sem heilann á bakvið metnaðarfullar áætlanir Írana í Miðausturlöndum og í raun verið utanríksráðherra landsins þegar kæmi að stríðsrekstri. Er talið að árás Bandaríkjamanna komi til með að marka þáttaskil í samskiptum Bandaríkjanna og Írana þar sem búist er við frekari stigmögnun í deilum ríkjanna. Fordæma árásina Rússar hafa fordæmt árásina og segir í yfirlýsingu frá utanríkisráðuneyti landsins að „morðið á Soleimani“ sé „skeytingarlaust skref“ í þá átt að auka á spennu í öllum heimshlutanum. Adel Abdul Mahdi,, forsætisráðherra Íraks, hefur sömuleiðis fordæmt morðið á hershöfðingjanum Soleimani og Abu Mahdi al-Muhandis. Árásin bryti jafnframt í bága við skilyrðin um veru Bandaríkjahers í Írak og nauðsynlegt væri að írakska þingið kæmi saman vegna málsins.Fréttin hefur verið uppfærð. Bandaríkin Donald Trump Íran Tengdar fréttir Pompeo frestar ferð til Úkraínu vegna átaka í Írak Mike Pompeo, utanríkisráðherra Bandaríkjanna, hefur ákveðið að fresta ferð sinni til Úkraínu og fjögurra annarra ríkja vegna árásar sem gerð var á sendiráð Bandaríkjanna í Bagdad í Írak. 1. janúar 2020 23:49 Mest lesið Óku á yfir 60 og missa ökuréttindin Innlent Málið týndist í kerfinu og reyndist á endanum fyrnt Innlent Steini frá Straumnesi látinn Innlent Hreinsanir hafnar í Íran Erlent Telja Múmínlundinn klárt brot á höfundarétti Innlent Stjúpsonur norska krónprinsins grunaður um nauðganir Erlent Twitter-morðinginn tekinn af lífi Erlent Sagði Sean Combs ekki virða svarið „Nei“ Erlent Reiða fram rúma milljón fyrir Jakub Innlent Segulómtækið enn óvirkt og beðið eftir þúsund lítrum af helíni Innlent Fleiri fréttir Hæstaréttardómarar fjarlægðu flein úr holdi Bandaríkjaforseta Lífstíðarfangelsi fyrir að myrða 14 ára dreng með samúræjasverði Finna fyrir fjarveru Bandaríkjanna á loftslagsfundi en sakna þeirra ekki Ungar konur særðust í skotárás í Nuuk Sá sem samdi Mission: Impossible lagið er látinn Stjúpsonur norska krónprinsins grunaður um nauðganir Dönsk stjórnvöld vilja tryggja fólki höfundarrétt að eigin persónu Stígur fram og segir Írani hafa löðrungað Bandaríkin „Áreiðanleg gögn“ sanni verulegt tjón á kjarnorkumannvirkjum Hvar er Khamenei? Ný ráðgjafarnefnd Kennedy hyggst endurskoða bólusetningar barna Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana „Þrátt fyrir allan þennan vígbúnað þá er þetta mjög vinalegt“ „Honum fylgir auðvitað ákveðinn ófyrirsjáanleiki“ Sjá meira
Bandaríkjamenn réðu einn valdamesta mann íranska byltingarvarðarins af dögum í Bagdad í Írak í nótt. Hershöfðinginn Qasem Soleimani fór fyrir Quds-sérsveitum byltingarvarðarins sem standa fyrir öllum hernaðaraðgerðum Írana utan heimalandsins. Varnarmálaráðuneyti Bandaríkjanna hefur staðfest að Soleimani hafi verið drepinn að skipun Donalds Trump Bandaríkjaforseta, en forsetinn birti mynd af bandarískum fána á Twitter-síðu sinni skömmu eftir að tilkynnt var um árásina. Hershöfðinginn Soleimani var á leið frá flugvellinum í íröksku höfuðborginni Bagdad þegar dróni Bandaríkjahers skaut á bílalest hans og er hann talinn hafa látist samstundis. pic.twitter.com/VXeKiVzpTf — Donald J. Trump (@realDonaldTrump) January 3, 2020 Æðsti leiðtogi Írans, Ayatollah Ali Khamenei, segir að morðinu verði hefnt á grimmilegan hátt. Þá lýsti hann einnig yfir þriggja daga þjóðarsorg í landinu, en hinn 62 ára Soleimani var af mörgum talinn annar valdamesti maður landsins á eftir Khamenei sjálfum. Heyrði Soleimani beint undir Khamenei. Olíuverð á heimsvísu hækkaði um fjögur prósent eftir að fregnirnar bárust og sömuleiðis bárust fréttir af miklum lækkunum í kauphöllum í Asíu vegna þeirrar óvissu sem nú er uppi. Sendiráð Bandaríkjanna í Írak hefur beint því til allra bandarískra borgara sem eru í Írak að yfirgefa landið. Frá vettvangi árásarinnar í nótt.AP Litið á Soleimani sem þjóðhetju Í Íran var litið á hann sem þjóðhetju en Bandaríkjamenn skildgreindu Quds-hersveitir hans sem hryðjuverkamenn í apríl á síðasta ári. Sakar Bandaríkjastjórn Soleimani og Quds-sveitirnar um að bera ábyrgð á dauða hundruð bandarískra hermanna. Þá segir í yfirlýsingu bandaríska varnarmálaráðuneytisins að Soleimani „ynni nú að þróun áætlana um árásir á bandaríska diplómata og hermanna í Írak og víðar í heimshlutanum.“ Þessi árás væri ætluð til að aftra Írönum frá frekari árásum. Talið er að Soleimani hafi fyrirskipað eða í það minnsta heimilað árásina á sendiráð Bandaríkjamanna í Bagdad í síðustu viku. Javad Zarif, utanríkisráðherra Írans, sakar í tísti Bandaríkjamenn um hryðjuverk og segir hershöfðingjann Soleimani hafa verið ötullasta manninn í baráttunni gegn hryðjuverkasamtökunum ISIS. Bandaríkjamenn beri auk þess alla ábyrgð á afleiðingum árásar sinnar. The US' act of international terrorism, targeting & assassinating General Soleimani—THE most effective force fighting Daesh (ISIS), Al Nusrah, Al Qaeda et al—is extremely dangerous & a foolish escalation. The US bears responsibility for all consequences of its rogue adventurism.— Javad Zarif (@JZarif) January 3, 2020 Í frétt BBC segir að Soleimani og fulltrúar uppreisnarhópa, sem njóta stuðnings Írana, hafi verið að yfirgefa flugvöllinn í tveimur bílum þegar ráðist var á þá á iðnaðarsvæði. Hershöfðinginn er sagður hafa þá komið frá Líbanon eða Sýrlandi. Nokkrum eldflaugum var skotið á bílalestina og eru fimm til viðbótar sagðir hafa látið lífið í árásinni. Í yfirlýsingu frá íranska byltingarverðinum segir að leiðtogi írakskra uppreisnarmanna, Abu Mahdi al-Muhandis, hafi einnig látið lífið í árásinni. Stýrt Quds-sveitunum í tuttugu ár Soleimani hafði stýrt Quds-sveitunum frá árinu 1998 Írönsk stjórnvöld hafa viðurkennt að Quds-sveitirnar hafi tekið virkan þátt í átökunum í Sýrlandi þar sem þær aðstoðuðu hópa trúir Bashar al-Assad Sýrlandsforseta og sáu þúsundum hermanna fyrir vopnum. Auk þess hafa Quds-sveitirnar stutt við bakið á sveitum í Írak sem hafa barist gegn liðsmönnum hryðjuverkasamtakanna ISIS. Qasem Soleimani.AP Fréttaskýrandi BBC segir að litið hafi verið á Soleimani sem heilann á bakvið metnaðarfullar áætlanir Írana í Miðausturlöndum og í raun verið utanríksráðherra landsins þegar kæmi að stríðsrekstri. Er talið að árás Bandaríkjamanna komi til með að marka þáttaskil í samskiptum Bandaríkjanna og Írana þar sem búist er við frekari stigmögnun í deilum ríkjanna. Fordæma árásina Rússar hafa fordæmt árásina og segir í yfirlýsingu frá utanríkisráðuneyti landsins að „morðið á Soleimani“ sé „skeytingarlaust skref“ í þá átt að auka á spennu í öllum heimshlutanum. Adel Abdul Mahdi,, forsætisráðherra Íraks, hefur sömuleiðis fordæmt morðið á hershöfðingjanum Soleimani og Abu Mahdi al-Muhandis. Árásin bryti jafnframt í bága við skilyrðin um veru Bandaríkjahers í Írak og nauðsynlegt væri að írakska þingið kæmi saman vegna málsins.Fréttin hefur verið uppfærð.
Bandaríkin Donald Trump Íran Tengdar fréttir Pompeo frestar ferð til Úkraínu vegna átaka í Írak Mike Pompeo, utanríkisráðherra Bandaríkjanna, hefur ákveðið að fresta ferð sinni til Úkraínu og fjögurra annarra ríkja vegna árásar sem gerð var á sendiráð Bandaríkjanna í Bagdad í Írak. 1. janúar 2020 23:49 Mest lesið Óku á yfir 60 og missa ökuréttindin Innlent Málið týndist í kerfinu og reyndist á endanum fyrnt Innlent Steini frá Straumnesi látinn Innlent Hreinsanir hafnar í Íran Erlent Telja Múmínlundinn klárt brot á höfundarétti Innlent Stjúpsonur norska krónprinsins grunaður um nauðganir Erlent Twitter-morðinginn tekinn af lífi Erlent Sagði Sean Combs ekki virða svarið „Nei“ Erlent Reiða fram rúma milljón fyrir Jakub Innlent Segulómtækið enn óvirkt og beðið eftir þúsund lítrum af helíni Innlent Fleiri fréttir Hæstaréttardómarar fjarlægðu flein úr holdi Bandaríkjaforseta Lífstíðarfangelsi fyrir að myrða 14 ára dreng með samúræjasverði Finna fyrir fjarveru Bandaríkjanna á loftslagsfundi en sakna þeirra ekki Ungar konur særðust í skotárás í Nuuk Sá sem samdi Mission: Impossible lagið er látinn Stjúpsonur norska krónprinsins grunaður um nauðganir Dönsk stjórnvöld vilja tryggja fólki höfundarrétt að eigin persónu Stígur fram og segir Írani hafa löðrungað Bandaríkin „Áreiðanleg gögn“ sanni verulegt tjón á kjarnorkumannvirkjum Hvar er Khamenei? Ný ráðgjafarnefnd Kennedy hyggst endurskoða bólusetningar barna Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana „Þrátt fyrir allan þennan vígbúnað þá er þetta mjög vinalegt“ „Honum fylgir auðvitað ákveðinn ófyrirsjáanleiki“ Sjá meira
Pompeo frestar ferð til Úkraínu vegna átaka í Írak Mike Pompeo, utanríkisráðherra Bandaríkjanna, hefur ákveðið að fresta ferð sinni til Úkraínu og fjögurra annarra ríkja vegna árásar sem gerð var á sendiráð Bandaríkjanna í Bagdad í Írak. 1. janúar 2020 23:49