Innlent

Banna heimsóknir sjúkra- og hjúkrunardeildir HSN

Samúel Karl Ólason skrifar
Aldraðir og fólk með undirliggjandi sjúkdóma er sérstaklega viðkvæmt fyrir Covid-19.
Aldraðir og fólk með undirliggjandi sjúkdóma er sérstaklega viðkvæmt fyrir Covid-19. Vísir/Vilhelm

Heimsóknir ættingja og annarra gesta á sjúkra- og hjúkrunadeildir Heilbrigðisstofnunar Norðurlands hafa verið bannaðar vegna Covid-19 veirunnar. Lokunin hefur þegar tekið gildi og verður í gildi þar til annað verður tilkynnt, samkvæmt tilkynningu frá HSN.

Ákvörðunin var tekin í samráði við sóttvarnayfirvöld eftir að neyðarstigi almannavarna var lýst yfir í gær.

„Heilbrigðisstofnun Norðurlands rekur sjúkra- og hjúkrunarrými á Húsavík, Fjallabyggð, Sauðárkróki og Blönduósi og eru skjólstæðingar flestir aldraðir og/eða með undirliggjandi sjúkdóma og því í sérstökum áhættuhópi að veikjast alvarlega af kórónaveirunni,“ segir í tilkynningunni.

Með þessu og öðrum aðgerðum er verið að leita leiða til að draga úr hættu á að íbúar á hjúkrunardeildum og sjúklingar á sjúkradeildum veikist.

Við sérstakar aðstæður má þó leita undanþága hjá yfirhjúkrunarfræðingum á hverjum stað.

Wuhan-veiran
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið