Fótbolti

Rúnar Páll reyndi að fá Heimi í Stjörnuna er hann var látinn fara frá FH

Anton Ingi Leifsson skrifar
Rúnar Páll Sigmundsson vildi fá Heimi Guðjónsosn sér við hlið í Stjörnuna haustið 2016 en Heimir hélt svo til Færeyja.
Rúnar Páll Sigmundsson vildi fá Heimi Guðjónsosn sér við hlið í Stjörnuna haustið 2016 en Heimir hélt svo til Færeyja.

Guðmundur Benediktsson greindi frá því í þættinum Sportinu í kvöld sem fór fram á Stöð 2 Sport í gærkvöldi að Rúnar Páll Sigmundsson þjálfari Stjörnunnar hafi reynt að fá Heimi Guðjónsson sem meðþjálfara sinn hjá Stjörnunni haustið 2016.

Það vakti mikla athygli í vetur er Ólafur Jóhannesson, einn sigursælasti þjálfari Íslands, mætti í Stjörnuna og munu þeir Ólafur og Rúnar Páll þjálfa Stjörnuliðið saman í sumar.

Guðmundur sagði að þetta hafi ekki verið í fyrsta skipti sem Rúnar hafi viljað þetta því þegar Heimir var látinn fara frá FH haustið 2016 þá var hann kominn í viðræður við Stjörnuna áður en HB í Færeyjum kom inn í myndina.

„Þetta er ekki í fyrsta sinn sem Rúnar reynir þetta. Þú nefndir Heimir áðan og þegar allar dyr virtust lokaðar fyrir Heimi og ekkert lið laust þá veit ég það fyrir víst að Rúnar Páll hafði samband við Heimi og ætlaði að fá hann með sér í þetta,“ sagði Guðmundur.

„Já þeir funduðu og þetta var komið ansi langt áður en Færeyjar giggið kemur. Við verðum að gefa Rúnari kredit fyrir þetta. Það er oft talið um að þú ert metinn af hversu sterkt fólk er í kringum þig og Rúnar er heldur betur óhræddur við það,“ bætti Freyr Alexandersson við.

„Er ekki Rúnar bara að biðja um að láta taka sig út?“ sagði Hjörvar Hafliðason í léttum tón. „Að fara í svona þungavigtarmenn og fá þá með sér.“

Klippa: Sportið í kvöld - Umræða um Rúnar Pál og Heimi

Sportið í kvöld er á dagskrá Stöðvar 2 Sports á þriðjudags-, miðvikudags- og fimmtudagskvöldum klukkan 20.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.