Abu Qatada laus úr haldi gegn tryggingu

Breskir embættismenn kvörtuðu hástöfum þegar áfrýjunardómstóll þar í landi lét Abu Qatada lausan gegn tryggingu í gær. Qatada hefur verið nefndur hinn andlegi sendiherra Osama bin Laden í Evrópu.

Hann er talinn hafa sterk tengsl við ýmsa hryðjuverkamenn, meðal annars skipuleggjendur hryðjuverkanna 11. september 2001. Bresk yfirvöld hafa reynt að fá hann dæmdan í fangelsi eða sendan úr landi án árangurs. Hann verður nú undir mjög ströngu eftirliti og má búast við brottvísun úr landi við nánast hvaða brot sem er.