Matthjis de Ligt hefur ákveðið að ganga í raðir Juventus samkvæmt heimildum Sky Italia.
Hollendingurinn er einn eftirsóttasti leikmaður heims eftir frábæra frammistöðu með Ajax á síðasta tímabili. Liðið vann tvöfalt heima fyrir og komst í undanúrslit Meistaradeildar Evrópu.
Talið er að Juventus þurfi að borga 62 milljónir punda fyrir De Ligt. Hann á þó enn eftir að komast að samkomulagi um kaup og kjör við Juventus.
De Ligt, sem var fyrirliði Ajax í vetur, verður væntanlega fyrsti leikmaðurinn sem Maurizio Sarri, nýráðinn knattspyrnustjóri Juventus, kaupir.
Juventus hefur orðið ítalskur meistari átta ár í röð.
Sky: De Ligt valdi Juventus
Ingvi Þór Sæmundsson skrifar

Mest lesið



Álftnesingar krækja í lykilmann Keflavíkur
Körfubolti



Dolezaj til liðs við nýliðana
Körfubolti



Flýta tveimur leikjum KA-manna í næsta mánuði
Íslenski boltinn

Kæra Coote vegna ummæla sinna um Jürgen Klopp
Enski boltinn