Körfubolti

Grunur um veðmálasvindl í leik ÍR og Tindastóls

Henry Birgir Gunnarsson skrifar
Úr leik hjá Tindastóli í vetur.
Úr leik hjá Tindastóli í vetur. vísir/daníel þór

Formaður KKÍ, Hannes S. Jónsson, staðfesti við íþróttadeild í morgun að sambandið sé með í skoðun leik ÍR og Tindastóls frá því í gær vegna gruns um veðmálasvindl.

Sterkur orðrómur fór á kreik í gærkvöldi um að maðkur væri í mysunni og heimildarmenn Vísis innan veðmálageirans halda því fram að óeðlilega mikið hefði verið veðjað á leikinn. Í kjölfarið hefðu stuðlar breyst mikið skömmu fyrir leik. Sömu heimildir herma að veðmálasíður hafi flaggað þessum leik sem grunsamlegum og hann sé í skoðun hjá einhverjum þeirra.

Grunurinn beinist að ákveðnum leikmönnum í liði Tindastóls en ekki að leikmönnum ÍR.

„Við fengum ábendingu um þetta mál strax í gærkvöldi. Þetta er í fyrsta sinn sem ég fæ svona sterka ábendingu og við munum því skoða málið,“ sagði Hannes S. Jónsson, formaður KKÍ. „Sönnunarbyrði í svona málum er mjög erfið en við erum að skoða hvaða skref við getum tekið næst.“

Hannes segir ömurlegt að svona mál komi upp á yfirborðið en segir það engin ný tíðindi.

„Við vitum af þessari vá og hættu. Við vitum af þessu vandamáli sem er ein alvarlegasti váin í íþróttaheiminum í dag. Þetta mál er mikið rætt á fundum sem ég sæki erlendis og menn hafa eðlilega áhyggjur af þessari þróun.“


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.