Handbolti

Bjarki Már og félagar í undanúrslit

Ingvi Þór Sæmundsson skrifar
Bjarki Már skoraði þrjú mörk gegn Ludwigshafen.
Bjarki Már skoraði þrjú mörk gegn Ludwigshafen. vísir/getty
Bjarki Már Elísson og félagar í Lemgo eru komnir í 8-liða úrslit þýsku bikarkeppninnar í handbolta eftir sigur á Ludwigshafen, 23-26, í kvöld.



Bjarki hefur farið á kostum með Lemgo í vetur og er næstmarkahæstur í þýsku úrvalsdeildinni. 



Landsliðshornamaðurinn var nokkuð rólegur í tíðinni í kvöld og skoraði þrjú mörk úr sex skotum.



Bobby Schagen var markahæstur í liði Lemgo með fimm mörk. Fjögur þeirra komu af vítalínunni.



Lemgo leiddi allan leikinn þótt munurinn á liðunum væri aldrei mikill. Staðan í hálfleik var 9-12, Lemgo í vil.



Úrslitahelgi bikarkeppninnar fer fram 4. og 5. apríl 2020.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.