Handbolti

Alexander Petersson gefur aftur kost á sér í íslenska landsliðið: Þessir 28 mega spila á EM

Óskar Ófeigur Jónsson skrifar
Alexander Petersson hefur gert góða hluti með Rhein-Neckar Lowen síðustu árin.
Alexander Petersson hefur gert góða hluti með Rhein-Neckar Lowen síðustu árin. vísir/getty

Alexander Petersson verður væntanlega með á Evrópumótinu í handbolta í janúar því hann hefur gefið aftur kost á sér í íslenska landsliðið. Landsliðsþjálfarinn Guðmundur Guðmundsson hefur valið þá 28 leikmenn sem koma til greina á EM í janúar.

Það er gaman að sjá Alexander Petersson aftur í íslenska landsliðinu en hann hefur ekki gefið kost á sér síðan á EM 2016. Alexander hefur skorað 694 mörk í 173 landsleikjum fyrir Ísland.

Stefán Rafn Sigurmannsson hornamaður er meiddur og ekki í hópnum. Rúnar Kárason er þess utan enn í kuldanum.

Kári Kristján Kristjánsson er í hópnum og gæti farið út. Aron Rafn Eðvarðsson og Björgvin Páll Gústavsson koma einnig til greina í markvarðarstöðurnar.

Ómar Ingi Magnússon er meiddur og ekki á lista en þar er hins vegar Gísli Þorgeir Kristjánsson sem er líka að glíma við meiðsli.

Eftirfarandi leikmenn eru í 28 manna hópnum:   
 
Markmenn:
Aron Rafn Eðvarðsson Hamburg 84/6
Ágúst Elí Björgvinsson IK Sävehof 31/0
Björgvin Páll Gústavsson Skjern 221/13
Viktor Gísli Hallgrímsson GOG 9/0

Vinstra horn:
Bjarki Már Elísson Lemgo 63/141
Guðjón Valur Sigurðsson PSG 356/1853
Oddur Grétarsson Balingen-Weilstetten 18/31

Vinstri skytta:
Aron Pálmarsson Barcelona 141/553
Elvar Ásgeirsson TVB 1898 Stuttgart 0/0
Ólafur Andrés Guðmundsson Kristianstad 115/215

Miðjumenn:
Elvar Örn Jónsson Skjern 26/80
Gísli Þorgeir Kristjánsson Kiel 23/31
Haukur Þrastarson Selfoss 12/15
Janus Daði Smárason Aalborg 37/41

Hægri skytta:
Alexander Petersson Rhein-Neckar Lowen 173/694
Kristján Örn Kristjánsson ÍBV 7/13
Teitur Örn Einarsson Kristianstad 18/18
Viggó Kristjánsson Wetzlar 2/3

Hægra horn:
Arnór Þór Gunnarsson Bergischer 105/311
Óðinn Þór Ríkharðsson GOG 13/42
Sigvaldi Björn Guðjónsson Elverum 20/37

Línumenn:
Arnar Freyr Arnarsson GOG 45/65
Elliði Snær Viðarsson ÍBV 6/4
Kári Kristján Kristjánsson ÍBV 137/162
Sveinn Jóhannsson SönderjyskE 7/14
Ýmir Örn Gíslason Valur 33/14

Varnarmenn:
Daníel Þór Ingason Ribe Esbjerg 30/9
Ólafur Gústafsson Kolding 43/48

Æfingar liðsins hefjast 22. desember næstkomandi og mun landsliðið æfa hér heima milli jóla og nýárs og allt þar til það heldur til Þýskalands 3. janúar.  Þar munu strákarnir okkar leika gegn Þjóðverjum í Mannheim þann 4. janúar.

Eftir vináttuleikinn gegn Þjóðverjum kemur liðið aftur heim og æfir þar allt þar til liðið fer á EM þann 9. janúar. Fyrsti leikur liðsins á EM verður laugardaginn 11. janúar gegn Dönum í Malmö.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.