Ekki tímabært að gefast upp á titlinum

Pep Guardiola er ekki tilbúinn til þess að gefast upp á titilbaráttunni í ensku úrvalsdeildinni strax.

Manchester City tapaði stigum gegn Newcastle á meðan Liverpool vann Brighton svo bilið á milli liðanna er orðið 11 stig.

Guardiola var spurður eftir leikinn út í bilið, hvort það væri orðið of mikið. „Þetta er ekki tíminn,“ var svar Guardiola.

„Við þurfum að halda áfram að vinna leiki, vinna leiki og sjá hvað gerist.“

City komst tvisvar yfir gegn Newcastle en fengu á sig tvö jöfnunarmörk.

„Við gerðum allt sem við gátum til þess að vinna leikinn. Mér fannst við spila vel, en því miður gátum við ekki skorað.“