Matur

Piparkökubollakökur með karamellukremi

Sylvía Rut Sigfúsdóttir skrifar

Þáttastjórnandinn Eva Laufey Kjaran Hermannsdóttir bakaði dásamlegar bollakökur ásamt Ingibjörgu Rósu Haraldsdóttur, fimm ára dóttur sinni, fyrir þáttinn Ísland í dag. Þetta er ljúffeng uppskrift sem allir geta leikið eftir. Uppskriftina má finna hér neðar fréttinni en einnig má sjá aðferðina skref fyrir skref í myndbandinu hér að ofan.  

Mynd/Eva Laufey

Piparkökubollakökur með karamellukremi

Uppskriftin er fyrir 18-20 bollakökur



250g sykur



140g smjör, við stofuhita



3 egg við stofuhita



250 g hveiti



1 tsk lyftiduft



2 dl rjómi



2 tsk vanilludropar



1 tsk kanill



½ tsk malaður negull



½ tsk hvítur pipar



½ tsk engifer krydd



Bollakökuform

 

 

Aðferð:





1. Forhitið ofninn í 180°C.



2. Þeytið saman smjör og sykur í um það bil þrjár mínútur, bætið einu og einu eggi saman við. Þeytið vel á milli.



3. Sigtið saman hveiti og lyftiduft, bætið hveitiblöndunni, vanillu, rjómanum og kryddum saman við eggjablönduna og þeytið mjög vel í nokkrar mínútur þar til blandan verður silkimjúk.



4. Skiptið deiginu niður í bollakökuform og bakið við 180°C í 15 – 18 mínútur.



5. Kælið kökurnar mjög vel áður en þið smyrjið á þær krem.

Ingibjörg Rósa heillaði áhorfendur Ísland í dag upp úr skónum.Mynd/Eva Laufey

Karamellukrem



230 g smjör, við stofuhita



500 g flórsykur



1 dl söltuð karamellusósa

 

 

Aðferð:



1. Þeytið smjör og flórsykur saman í nokkrar mínútur, því lengur sem þið hrærið



2. kremið því betri áferð verður á því.



3. Bætið karamellusósu út í og þeytið áfram þar til kremið er silkimjúkt.



4. Setjið kremið í sprautupoka og sprautið á kökurnar.



5. Skreytið gjarnan með rósmarín greinum, piparkökumulningi, piparkökum og svolítið af flórsykri.

Mynd/Eva Laufey

Söltuð karamellusósa



150 g sykur

4 msk smjör



1 dl rjómi



Sjávarsalt á hnífsoddi

 

 

Aðferð:



1. Bræðið sykur á pönnu við vægan hita, best að hafa alls ekki háan hita og fara hægt af stað.



2. Takið pönnuna af hellunni þegar sykurinn er allur bráðinn og bætið smjörinu saman við í nokkrum skömmtum.



3. Hellið rjómanum út í karamelluna og hrærið þar til karamellan er orðin þykk og fín.



4. Í lokin bætið þið saltinu saman við.



5. Leyfið sósunni að kólna alveg áður en þið hellið henni.






Velkomin á Vísi. Þessi vefur notar vafrakökur. Sjá nánar.