Bílar

Blóðhundurinn nær 740 km/klst

Kristinn Ásgeir Gylfason skrifar
Blóðhundurinn í gömlum litum. Nýjustu litasamsetninguna má sjá í myndbandinu.
Blóðhundurinn í gömlum litum. Nýjustu litasamsetninguna má sjá í myndbandinu. Getty

Landhraðametsbíllinn Blóðhundurinn náði fyrir helgina 740 km/klst. Myndband má sjá af bílnum á þeim hraða í fréttinni.

Blóðhundurinn og teymið að baki honum, nálgast þar með markmið sitt sem er að komast á yfir 800 km/klst. í þessari lotu á flötum Hakskeenpan eyðimerkurinnar.

Þessi tilraun var ekki eingöngu til að ná sem mestum hraða. Heldur til að prófa vinstri fallhlífina sem ætlað er að aðstoða við að hægja aftur á bílnum.

Þegar Blóðhundurinn náði 708 km/klst. slakaði ökumaðurinn rólega á inngjöfinni en bíllinn fór hraðast á yfir 740 km/klst.

Eftir þetta stóð til að snúa bílnum við og reyna við 800 km/klst. en ekkert varð af þeirri tilraun. Smávægileg bilun kom upp og því hætt við prófunina.

Blóðhundinum er ætlað að ná yfir 1220 km/klst. á næsta ári áður en stefnan er sett á að rjúfa 1609 km/klst. múrinn (1000 m/klst).


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.