Fótbolti

Kolbeinn lagði upp í stórsigri

Ástrós Ýr Eggertsdóttir skrifar
Kolbeinn Sigþórsson fagnar marki í leik með AIK fyrr á leiktíðinni.
Kolbeinn Sigþórsson fagnar marki í leik með AIK fyrr á leiktíðinni. vísir/getty

Kolbeinn Sigþórsson lagði upp eitt marka AIK í stórsigri á Falkenbergs í sænsku úrvalsdeildinni í fótbolta.

Leikurinn byrjaði illa fyrir heimamenn í Falkenbergs þegar Hampus Nilsson var rekinn af velli strax á áttundu mínútu.

Henok Goitom nýtti sér það heldur betur og skoraði hann fjögur mörk fyrir AIK. Annað mark hans var eftir stoðsendingu frá Kolbeini.

Tarik Elyounoussi bætti einu mark við markaveislu Goitom og var staðan orðin 5-0 fyrir AIK. Falkenbergs náði inn sárabótamarki í lokin, lokatölur urðu 5-1.

Arnór Ingvi Traustason var í byrjunarliði Malmö sem tapaði fyrir Hammarby á útivelli 2-0 í toppslag.

Baráttan á toppi sænsku úrvalsdeildarinnar er hörð en Hammaby, Malmö, Djurgården og AIK eru öll jöfn með 59 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.