Séra Davíð Þór og Þórunn í hnapphelduna
Séra Davíð Þór Jónsson í Laugarneskirkju og Þórunn Gréta Sigurðardóttir, formaður Tónskáldafélags Íslands, settu upp hringana á laugardag og héldu svo utan til Frakklands í brúðkaupsferðina.
Davíð og Þórunn voru messuþjónar í Neskirkju þegar Davíð var í prestsnámi fyrir rúmum áratug og fluttu síðar austur á Eskifjörð þar sem hann fékk brauð. Þórunn er píanisti að mennt og var organisti í Eskifjarðarkirkju. Nú spila þau saman í pönkhljómsveitinni Austurvígstöðvunum sem vakið hefur athygli fyrri beitta textasmíð.
Saman eiga Davíð og Þórunn tvö ung börn en fyrir átti Davíð þrjú uppkomin börn og fjögur barnabörn.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
