Ólafur tilnefndur sem leikmaður umferðarinnar í Meistaradeildinni

Ólafur Guðmundsson, fyrirliði Kristianstad, er tilnefndur sem besti leikmaður 3. umferðar Meistaradeildar Evrópu í handbolta.

Ólafur fór mikinn þegar Kristianstad tapaði fyrir Wisla Plock í Póllandi, 36-29, í gær.

Hafnfirðingurinn skoraði tólf mörk úr aðeins 14 skotum og var markahæstur í liði Kristianstad. Teitur Örn Einarsson var næstmarkahæstur með sex mörk úr sjö skotum.

The -year-old goal-scoring machine from Iceland. Olafur Gudmundsson was incredible for @IFKKristianstad against @SPRWisla, scoring 12 goals during an outstanding individual performance.

Vote for Olafur here: https://t.co/2VGhbrkfmT#veluxehfcl#ehfclpic.twitter.com/ZpXWE2Ljml

— EHF Champions League (@ehfcl) September 30, 2019

Kristianstad hefur tapað öllum þremur leikjum sínum í D-riðli Meistaradeildarinnar. Næsti leikur Kristianstad er gegn svissneska liðinu Kadetten Schaffhausen 10. október.

Auk Ólafs eru Marin Sego (Montpellier), Adam Keita (PSG), Göran Johannessen (Flensburg), Amine Bannour (Dinamo Búkarest), Bogdan Radivojevic (Pick Szeged) og Magnus Jensen (Aalborg) tilnefndir sem leikmaður 3. umferðar Meistaradeildarinnar. Hægt er að kjósa Ólaf með því að smella hér.

These players really stood out in the VELUX EHF Champions League Round 3. But who do you think was the best among the best?

Vote here: https://t.co/2VGhbr2Evl#veluxehfcl#ehfcl@psghand@SGFleHa#AalborgHåndbold@pickhandball@mhbofficiel@CSDinamo@IFKKristianstadpic.twitter.com/CDagLLYkno

— EHF Champions League (@ehfcl) September 30, 2019