Innlent

Bjóða áskrift að hjóli í borginni á 3500 krónur

Kolbeinn Tumi Daðason skrifar
Dagur B. Eggertsson borgarstjóri fagnar komu hjólanna.
Dagur B. Eggertsson borgarstjóri fagnar komu hjólanna. Reykjavíkurborg
Í morgun hóf ný deilihjólaleiga starfsemi í Reykjavík og var henni hleypt af stokkunum við eina af rúmlega 40 stöðvum sem notendur geta sótt eða skilað hjólum. Hægt verður með appi að sjá laus hjól. Deilihjólaleigan verður notendum að kostnaðarlausu fyrstu vikuna. Þetta kemur fram í tilkynningu frá borginni.

Hundrað hjól verða til reiðu fyrst í stað og fengu borgarstjóri, forseti borgarstjórnar,  formaður skipulags- og samgönguráðs og formaður umhverfis- og heilbrigðisráðs að prófa fyrstu hjólin.

Bros á hverju andliti í rigningunni við Hlemm í morgun.Reykjavíkurborg
Deilihjólaleigan er rekin undir merkjum  Donkey Republic sem býður hjól í mörgum borgum og geta notendur pantað hjól með appi í síma.  Kerfið á Íslandi er rekið af fyrirtækinu Framúrskarandi ehf. samkvæmt þjónustusamningi við borgina.

Þjónustan er hönnuð fyrir borgarbúa en hægt verður að fá hjól í áskrift fyrir 3.500kr. á mánuði og ársáskrift fyrir 30 þús. kr.  Stöðvarnar sem verða víða um miðborgina eru venjulegir hjólabogar og hjólin venjuleg götuhjól.

Hjólin við Hlemm.Reykjavíkurborg
„Við trúum því að hjólreiðar og aðrar örflæðilausnir séu framtíð almenningssamgangna,“ segir Eyþór Máni Steinarsson, verkefnastjóri. 

„Hjólreiðar munu minnka umferðaröngþveiti, eru umhverfisvænni og gera manni kleift að stunda líkamsrækt á meðan maður ferðast“.

Að neðan má sjá skjáskot úr appinu þar sem sjá má staðsetningar hjólastöðvanna.

Appelsínugulu hringirnir sýna staðsetningar í borginni þar sem hægt er að grípa og skila hjóli.Donkey Republic



Fleiri fréttir

Sjá meira


×