Golf

Guðmundur Ágúst kláraði á 11 undir pari

Ástrós Ýr Eggertsdóttir skrifar
Guðmundur Ágúst hefur náð afar góðum árangri á Nordic Golf-mótaröðinni í ár og er nú byrjaður að reyna fyrir sér á Áskorendamótaröðinni
Guðmundur Ágúst hefur náð afar góðum árangri á Nordic Golf-mótaröðinni í ár og er nú byrjaður að reyna fyrir sér á Áskorendamótaröðinni mynd/gsí/seth
Guðmundur Ágúst Kristjánsson lauk keppni á KPMG Trophy mótinu í Belgíu í dag. Mótið er hluti af Áskorendamótaröð Evrópu.



Guðmundur Ágúst byrjaði fjórða og síðasta hringinn í dag vel og fékk tvo fugla á fyrstu fimm holum sínum í dag. Hann fékk svo örn á 18. holu, sem var níunda hola dagsins hjá honum, og eftir níu holur var hann því á fjórum höggum undir pari í dag.



Hann missti högg strax á 1. holu, hans tíundu, en paraði svo næstu sjö holur. Á lokaholu dagsins fékk hann annan skolla og fór því hringinn á tveimur höggum undir pari.



Það þýðir að hann lýkur leik á ellefu höggum undir pari og þegar hann kom í hús var hann jafn í 48. sæti.



Efsti maður mótsins þegar þetta er skrifað er Jack Senior frá Englandi, hann er á 21 höggi undir pari eftir 12 holur á lokahringnum.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.