Liverpool hafði ekki áhuga á að fá Coutinho í sumar og ástæðan voru peningar

Liverpool hafði aldrei áhuga á því að fá Philippe Coutinho aftur til félagsins í sumar en enskir fjölmiðlar greina frá þessu í morgun.

Coutinho gekk í raðir Barcelona frá Liverpool í janúar á síðasta ári en kaupverðið var 148 milljónir punda. Hann sló aldrei í gegn á Nou Camp undir stjórn Ernesto Valverde.

Brassinn skrifaði í gær undir lánssamning við þýsku meistaranna í Bayern Munchen út leiktíðina en áður en sá samningur kom upp var Coutinho orðaður aftur við Anfield.

Fjölmiðlar greina frá því að það hafi þó aldrei staðið til og helsta ástæðan hafi verið sú að kostnaðurinn við Coutinho hefði verið ansi mikill.

Why Liverpool decided against re-signing Philippe Coutinho this summer https://t.co/UbbncaDlKepic.twitter.com/Xq2VgbDrWi

— Mirror Football (@MirrorFootball) August 20, 2019

Liverpool hefði þurft að borga honum 21 milljónir punda í laun auk þess sem þeir hefðu þurft að borga Barcelona einhvern pening fyrir að fá hann lánaðan.

Með Mohamed Salah, Sadio Mane og Roberto Firmino voru Liverpool menn ekki tilbúnir að leggja allan þennan pening í Coutinho og því fór hann til Þýskalands.