Sport

Vill láta lemja sig á æfingum

Henry Birgir Gunnarsson skrifar
Bell hefur fengið að klæða sig í búninginn á undirbúningstímabilinu en ekkert spilað.
Bell hefur fengið að klæða sig í búninginn á undirbúningstímabilinu en ekkert spilað. vísir/getty

Þjálfari NY Jets fer mjög sparlega með stórstjörnu sína, Le'Veon Bell, fyrir tímabilið en hlauparinn vill að félagar sínir láti hann finna fyrir því á æfingum.

Bell kom til félagsins frá Pittsburgh Steelers og fékk risasamning enda einn besti hlaupari deildarinnar. Hann var aftur á móti í verkfalli í fyrra og hefur ekki spilað leik í 19 mánuði.

Þjálfarinn hans neitar að nota hann á undirbúningstímabilinu og Bell biðlar því til félaga sinna að láta hann finna fyrir því á æfingum sem alla jafna er stranglega bannað.

„Þeir verða að gefa mér eitthvað. Láta mig finna fyrir því svo ég geti undirbúið mig fyrir tímabilið,“ sagði Bell.

„Ef þeir ætla að gefa mér mikinn afslátt þá mun ég keyra í þá. Ég verð að finna almennilega fyrir snertingu aftur. Ég reyni að pirra þá svo þeir lemji mig á móti. Það er nákvæmlega það sem mig vantar.“

Bell tók þó fram að hann væri að sjálfsögðu ekki að ætlast til þess að vera tæklaður í lappirnar eða keyrður í grasið. Hann vill fá að finna fyrir því á efri líkamanum.

NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.