Innlent

Ökumaður sýndi af sér stórkostlegt gáleysi á Sogavegi

Jóhann K. Jóhannsson skrifar

Ökumaður á dökkum jeppa sýndi af sér stórkostlegt gáleysi á Sogavegi í dag þegar hann ók til suðurs, fram úr tveimur bílum við gatnamót Sogavegar, Austurgerðis og Byggðarenda.

Á þessum stað er hámarkshraði í götunni 30 km/klst., miðlína er hálf brotin sem gefur til kynna að framúrakstur sé hættulegur, gatan þröng og blint er við gatnamótin.

Eins og sjá má á myndbandi hefur bíll stöðvað við gatnamótin og hyggst hann taka vinstri beygju, inn Byggðarenda. Á sama tíma eru tvö börn á reiðhjóli að fara yfir götuna.

Ljóst er að illa hefði farið hefðu börnin verið komin inn á götuna eða bílinn fyrir framan byrjaður að beygja.

Stutt er síðan alvarlegt umferðarslys varð á þessum slóðum þegar ekið var á barn á reiðhjóli. Þá kvartaði lögreglan undan hegðun ökumanna á staðnum.

Sjá einnig: Of algengt að fólk virði ekki umferðarlokanir við slysstaði

Illa hefði getað farið þegar jeppa var ekið fram úr tveimur bílum á Sogavegi. Vísir/Stöð 2

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.