Innlent

Allt að 20 stiga hiti og hellidembur

Kristín Ólafsdóttir skrifar
Það gæti orðið þungbúið á Norðausturlandi í dag - en þar verður þó að minnsta kosti hlýtt.
Það gæti orðið þungbúið á Norðausturlandi í dag - en þar verður þó að minnsta kosti hlýtt. Vísir/vilhelm

Framan af morgni má búast við hægum vindum og víða þokulofti en rofar síðan til. Smá skúrir á víð og dreif eftir hádegi, en líkur á hellidembum inn til landsins þegar líður á daginn, einkum þó á Norðausturlandi. Þetta kemur fram í hugleiðingum veðurfræðings á vef Veðurstofu Íslands.

Í nótt nálgast dálítil úrkomusvæði sunnan úr hafi og þokast yfir landið. Má því búast við vætu víða um land á morgun, einkum þó sunnan- og vestantil.

Fremur hlýtt í veðri um helgina og getur hiti náð 20 stigum norðaustantil í dag.

Veðurhorfur á landinu

Hæg breytileg átt, en suðvestan 5-10 m/s við SA-ströndina síðdegis. Skýjað að mestu og víða smáskúrir, en þokubakkar úti við N -og A-ströndina. Líkur á skúradembum inn til landsins seinni partinn, einkum NA-lands. Hiti 12 til 20 stig, hlýjast NA-til.
Suðaustan 3-10 og dálítil rigning eða súld S- og V-lands í nótt og á morgun, en annars hægara, skúrir og heldur svalara.

Veðurhorfur á landinu næstu daga

Á sunnudag:
Hæg suðlæg eða breytileg átt og skýjað, skúrir á víð og dreif, en suðaustan 5-10 m/s og fer að rigna á S- og V-landi undir kvöld. Hiti 10 til 18 stig, hlýjast inn til landsins. 

Á mánudag:
Sunnan og suðaustan 3-10 m/s og rigning með köflum, úrkomumest V-lands. Hiti 14 til 22 stig, hlýjast A-til. 

Á þriðjudag og miðvikudag:
Austlæg átt og dálítil væta með köflum. Hiti 12 til 20 stig, hlýjast á V-landi. 

Á fimmtudag og föstudag:
Útlit fyrir norðaustlæga átt, skýjað með köflum, en þurrt að kalla og áfram hlýtt í veðri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.