Golf

Sex ára stelpa dó eftir misheppnað golfhögg föður síns

Óskar Ófeigur Jónsson skrifar
Mynd frá golfvelli.
Mynd frá golfvelli. Getty/Brendan Mora

Hryllilegt slys varð á golfvelli í Bandaríkjunum í vikunni sem sýnir hversu varlega þarf að fara í kringum kylfinga og golfvelli.

Sex ára stúlka lést eftir að hafa orðið fyrir golfkúlu á Sleepy Ridge vellinum. Golfkúlan lenti á henni eftir misheppnað upphafshögg föður hennar. Atburðurinn gerðist í Utah-fylki.

Stelpan sat í golfkerru á meðan faðir hennar sló aðeins sex metrum frá. Höggið misheppnaðist algjörlega og kúlan endaði í hálsi stelpunnar með skelfilegum afleiðingum.

Neyðarlína fékk símtal í kringum 10.25 og stúlkan var flutt á sjúkrahús í nágrenninu. Seinna var flogið með hana á barnaspítala í Salt Lake City. Það tókst ekki að bjarga lífi hennar þar og hún lést um kvöldið.



Steven Marett, yfirgolfkennari á Sleepy Ridge vellinum, sagði í vðtali við KSL að hann hefði séð fólk verða fyrir golfkúlum áður en þetta er í fyrsta sinn sem það verður svona alvarlegt slys á golfvellinum.

„Þetta er algjörlega óhugsandi og þetta er hryllilegt fyrir alla hér á golfvellinum sem og í samfélaginu,“ sagði Steven Marett.

„Þetta er rosalega sorglegur atburður og ég get ekki ímyndað mér hvað faðir hennar er að ganga í gegnum um,“ sagði Marett.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.