Innlent

Einn var um borð í skútunni sem strandaði í Skerjafirði

Sunna Kristín Hilmarsdóttir skrifar
Útkallið kom um klukkan 11 í morgun.
Útkallið kom um klukkan 11 í morgun. landsbjörg

Einn var um borð í skútunni sem strandaði á skeri við Löngusker utarlega í Skerjafirði í morgun.
Björgunarbátur sigldi nánast alveg að skútunni og þannig komst maðurinn frá borði, að því er segir í tilkynningu Landsbjargar.
„Þar sem það var að fjara út þegar á þessum tíma þá voru sett akkeri á skútuna og siglt í land. Þar réðu menn ráðum sínum og ákveðið var að freista þess að draga skútuna á flot seinni partinn í dag og koma henni til hafnar.
Á meðan björgunarsveitarfólk var að festa skútuna við akkeri þá barst björgunarskipi í Reykjavík tilkynning um vélarvana sportbát við Kjalarnes en rétt áður en skipið fór úr höfn þá kom í ljós að tekist hafði að koma mótor bátsins í gang og því ekki þörf á frekari aðstoð,“ segir í tilkynningu Landsbjargar.

Björgunarbátur sigldi nánast alveg að skútunni og þannig komst maðurinn frá borði. landsbjörg


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.