Sport

Williams sektuð um rúmlega milljón fyrir vallarskemmdir á Wimbledon

Ástrós Ýr Eggertsdóttir skrifar
Serena á það til að láta skapið hlaupa aðeins með sig
Serena á það til að láta skapið hlaupa aðeins með sig vísir/getty

Serena Williams þarf að borga tæp átta þúsund pund, sem nemur rúmlega 1,2 milljónum króna, í sekt fyrir að skemma völl á Wimbledon.

Williams, sem á 23 risatitla á ferlinum, var sektuð vegna atviks sem átti sér stað á einni af æfingunum helgina áður en mótið byrjaði. Hún á að hafa hent spaðanum sínum í jörðina með þeim afleiðingum að skemmd kom í grasvöllinn.

Williams er komin í átta kvenna úrslit í mótinu og mætir hún Alison Riske í dag. Þá keppir hún einnig í tvenndarleik við hlið Andy Murray.

Hún er ekki sú eina sem þarf að greiða sekt því Fabio Fogini var sektaður um rúm tvö þúsund pund fyrir reiðiskast hans eftir tap í þriðju umferð einliðaleiks karla þar sem hann sagði meðal annars að hann óskaði þess að klúbburinn yrði sprengdur í loft upp. Þá fékk Nick Kyrgios tvær sektir fyrir óíþróttamannslega hegðun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.