Fótbolti

Nígeríumenn fyrstir í 16-liða úrslitin

Ástrós Ýr Eggertsdóttir skrifar
vísir/getty

Nígería er fyrsta liðið til þess að tryggja sæti sitt í 16-liða úrslitum Afríkukeppninnar í fótbolta eftir 1-0 sigur á Gíneu í dag.

Eina mark leiksins kom á 73. mínútu, Moses Simon átti hornspyrnu sem Kenneth Omeruo skallaði í netið á nærstönginni.

Arsenal-maðurinn Alex Iwobi átti eitt besta færi leiksins þegar staðan var enn markalaus, en markmaður Gíneu þurfti að hafa sig allan við að verja skot hans rétt fyrir utan teig.

Nígería er með sex stig eftir tvo leiki og er örugg áfram úr riðlinum, en tvö efstu liðin fara áfram ásamt fjórum bestu liðunum í þriðja sæti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.