Innlent

Undir áhrifum fíkniefna með leikskólabarn í bílnum

Birgir Olgeirsson skrifar
Lögreglan á Norðurlandi vestra hafði í ýmsu að snúast um hvítasunnuhelgina.
Lögreglan á Norðurlandi vestra hafði í ýmsu að snúast um hvítasunnuhelgina. Vísir/Vilhelm

Tveir voru handteknir á Norðurlandi vestra í síðustu viku grunaðir um vörslu stera og kannabisefna. Þetta kemur fram í tilkynningu frá lögreglunni en mennirnir voru handteknir eftir að lögreglan hafði gert húsleit þar sem kannabisefni og sterar fundust.

Fimm ökumenn voru í sömu vikunni handteknir vegna gruns um að aka undir áhrifum ávana- og fíkniefna og í einu af þeim málum var barn á leikskólaaldri farþegi í bifreið þar sem ökumaður reyndist undir áhrifum fíkniefna og var því Barnavernd kölluð til.

Um Hvítasunnuhelgina sjálfa var mikil umferð í umdæminu og voru alls 86 ökumenn kærðir fyrir of hraðan akstur, sá sem hraðast ók var á 146 km hraða á klukkustund.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.