Körfubolti

Tryggvi yfirgefur Valencia

Ingvi Þór Sæmundsson skrifar
Tryggvi samdi við Valencia 2017.
Tryggvi samdi við Valencia 2017. vísir/getty
Valencia Basket hefur rift samningi íslenska landsliðsmiðherjans Tryggva Snæs Hlinasonar.



Tryggvi gekk í raðir Valencia frá Þór á Akureyri 2017. Hann lék 28 leiki með Valencia tímabilið 2017-18.



Á síðasta tímabili var Tryggvi á láni hjá Monbus Obradoiro í spænsku úrvalsdeildinni og var með 3,5 stig og 2,5 fráköst að meðaltali í leik.



Tryggvi gaf kost á sér í nýliðaval NBA-deildarinnar í fyrra en var ekki valinn.



Tryggvi, sem er 21 árs, hefur leikið 33 A-landsleiki. Hann lék með íslenska landsliðinu á EM 2017.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.