Lífið

Nönnu í OMAM langaði alltaf að vera strákur

Tryggvi Páll Tryggvason skrifar
Nanna mundar Telecaster á Bunbury-tónlistarhátíðinni í Cincinatti 2016.
Nanna mundar Telecaster á Bunbury-tónlistarhátíðinni í Cincinatti 2016. Timothy Hiatt/Getty

Nanna Bryndís Hilmarsdóttir, söngkona Of Monsters and Men segir í viðtali bandaríska tískutímaritið Womens Wear Daily að á sínum yngri árum hafi hana alltaf langað til að vera strákur. Á seinni árum hafi hún þó fundið eigin kvenleika, eitthvað sem finna megi merki um á nýjustu plötu hljómsveitarinnar sem kom nýverið út.

„Þegar ég var yngri vildi ég alltaf vera strákur. Mér líkaði við allt það sem strákarnir voru í,“ sagði Nanna Bryndís í viðtali við WWD sem birt var í dag en tímaritið er gríðarlega virt innan tískuheimsins, og stundun nefnd biblía tískunnar.

Viðtalið snýr því að miklu leyti um fatastíl Nönnu Bryndísar en í viðtalinu segir blaðamaður að vegna fordæmis Bjarkar megi búast við því að söngkonur frá Íslandi séu með afgerandi fatastíl, og það eigi við um Nönnu Bryndísi, sem líkt og fyrr segir var á árum áður hrifnari af strákafötum.

„Ég var hrifinn af stórum hettupeysium og ég var alltaf að fela mig í strákafötum, á hjólabretti og gera hina og þessa hluti.“

Eftir því sem hún varð eldri varð hún hrifnari af pönkinu og að hún hafi verið svokallað Emo-Goth. En nú sé kvenleikinn að koma sterkur inn.

„Ég held að núna líði mér bera betur með að vera kvenlegri,“ sagði Nanna Bryndís. 



Eftir dágott hlé er þriðja breiðskífa hljómsveitarinnar að koma út en platan Fever Dream kemur út þann 26. júlí. Nanna Bryndís segir að hún hafi orðið þreytt á því að semja lög með kassagítar og því hafi hún ákveðið að breyta til fyrir nýju plötuna. Fartölvan kom sterk inn

„Platan er algjörlega samin heima þar sem þurfti að finna ný hljóð og vera forvitin um þau,“ sagði Nanna Bryndís en um er að ræða talsverða breytingu á stíl frá fyrri plötum hljómsveitarinnar. Í viðtalinu segir að lagið Alligator sé gott dæmi um það.

„Það er mikil orka í þessu lagi sem ég tengi við, verandi kona,“ sagði Nanna Bryndís. „Lagið er að mörgu leyti um það að vera viðkvæmur en á sama tíma er lagið sterkt og kraftmikið. Stundum tel ég að margir átti sig ekki á því hvað það að vera viðkvæmur er mikill styrkleiki. Það er það sem við konur höfum, við höfum aðgang að því. Við erum fæddar til að vera mjúkar, og það er styrkleiki.“

Í viðtalinu kemur Nanna Bryndís einnig inn á það hvernig hún og tónlistin náðu saman. Þakkar hún ömmu sinni fyrir það.

„Ég var æst í það að læra á eitthvað hljóðfæri og amma mín sagði: Lærðu á gítar, þá slærðu í gegn í partýum.“

Nanna Bryndís lærði á gítar og ekki var aftur snúið. Hún hefur þó engan áhuga á því að spila á gítar í partýum.

„Ekki séns, ég vinn við þetta.“


Tengdar fréttir

Of Monsters and Men á Airwaves

Of Monsters and Men sneru aftur með glænýtt lag Alligator í síðustu viku en nú hefur verið tilkynnt að sveitin kemur fram á Iceland Airwaves 2019, en hátíðin fer fram 6. - 9. nóvember í Reykjavík.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.