Lögreglan á Suðurnesjum hefur kært á þriðja tug ökumanna fyrir of hraðan akstur það sem af er vikunni. Þetta kemur fram í tilkynningu frá lögreglunni en þar segir að einn þeirra, erlendur ferðamaður, reyndist aldrei hafa öðlast ökuréttindi og játaði hann brot sín. Annar sem ók Reykjanesbrautina á 127 kílómetra hraða var með farþega í bifreiðinni sem hann þekkti ekki til. Leikur grunur á að þar hafi verið svokallaður „skutlari“ á ferð, að því er segir í tilkynningu lögreglunnar.
Þá voru fáeinir teknir úr umferð vegna gruns um vímuefnaakstur í umdæminu.
Grunaður „skutlari“ á hraðferð
